कर्माची फळं इथेच भोगली! 'धुरंधर'मधील खनानी होता सगळ्यात खुंखार; भारतात पाठवायचा खोट्या नोटा, मिळाला खतरनाक मृत्यू

खरंतर जावेद खनानी हा रहमान डकैतपेक्षाही खुंखार होता. अंडरवर्ल्डमध्ये डकैतपेक्षाही त्याची दहशत जास्त होती. भारतात नकली नोटांचा त्याने अक्षरश: पाऊस पाडला होता.

सध्या जिकडेतिकडे 'धुरंधर'ची चर्चा सुरू आहे. 'धुरंधर'मधील कलाकारांसोबतच त्यातील भूमिकांविषयी जोरदार चर्चा होते आहे. रहमान डकैतनंतर 'धुरंधर'मध्ये दाखवलेले खनानी ब्रदर्स कोण? याबाबत चर्चा रंगू लागली आहे.

'धुरंधर'मध्ये अभिनेता अंकित सागरने जावेद खनानीची भूमिका साकरली आहे. तर मुशताक नायका हा अल्ताफ खनानीच्या भूमिकेत आहे.

'धुरंधर'मध्ये दाखवलेले खनानी ब्रदर्स हे पाकिस्तानमधील खरंखुऱ्या व्यक्तिरेखा आहे. पाकिस्तानातील ते मोठे व्यावसायिक होते.

खनानी ब्रदर्स हे 'खनानी अँड कालिया इंटरनॅशनल(KKI) ही संस्था चालवायचे. खोट्या नोटा छापून त्या भारतात पाठवायचा त्यांचा व्यवसाय होता.

या खोट्या नोटांद्वारे ते ISI, अल कायदा, लष्कर ए तौयबा, जैश ए मोहम्मद सारख्या दहशतवादी संघटनांना मदत करायचे.

कुख्यात गँगस्टर आणि अंडरवर्ल्ड डॉन असलेल्या दाऊद इब्राहिमच्या डी कंपनीचा काळा पैसा मार्गस्थ लावण्याचं कामही खनानी ब्रदर्स करायचे.

खरंतर जावेद खनानी हा रहमान डकैतपेक्षाही खुंखार होता. अंडरवर्ल्डमध्ये डकैतपेक्षाही त्याची दहशत जास्त होती. भारतात नकली नोटांचा त्याने अक्षरश: पाऊस पाडला होता.

या नकली नोटा हुबेहुब भारतीय नोटांसारखा दिसायच्या. २००० च्या दशकात पाकिस्तानातून तब्बल १५००-२००० कोटी रुपये भारतात पाठवून त्याचा दहशतवादी कारवायांसाठी वापर केला गेला होता.

पण, नोटबंदीमुळे खनानी ब्रदर्सचे धाबे दणाणले. भारतात नोटबंदी झाल्यानंतर जावेद खनानीचं जगणं मुश्किल झालं होतं.

जावेद खनानीला त्याच्या कर्माची फळंही इथेच भोगावी लागली. नोटबंदीनंतर एका महिन्यातच जावेद खनानीचा एका बिल्डिंगच्या चौथ्या मजल्यावरुन पडून संशयस्पदरित्या मृत्यू झाल्याची बातमी आली होती.