काम मिळत नव्हतं म्हणून केला बोल्ड सिनेमा, अभिनेत्रीची कबुली; आता होतोय पश्चात्ताप

तेव्हा अशी दिसायची अभिनेत्री, तुम्ही ओळखलंत का?

सिनेमा, वेबसीरिजमध्ये बोल्ड, इंटिमेट सीन्स असणं आता फार आश्चर्याचं राहिलेलं नाही. ओटीटीवर तर सर्रास बोल्ड सीन्सचा भडिमार असतो. मात्र अनेक कलाकार काही वेळेस नाईलाजानेही असे सीन्स देतात.

अभिनेत्री पत्रलेखाने (Patralekha) नुकताच याचा खुलासा केला आहे. तिने करिअरच्या सुरुवातीला 'लव गेम्स' या सिनेमात बोल्ड सीन्स दिले होते ज्याची चर्चा झाली होती.

आता पत्रलेखाने त्या सिनेमात काम करणं ही मोठी चूक असल्याचं मान्य केलं आहे. आता ती तसे सीन्स करु शकणार नाही असंही म्हणाली.

बॉलिवूड बबलशी बोलताना पत्रलेखा म्हणाली, "नाही, मी पुन्हा तसे सीन आता देऊ शकत नाही. १० वर्षांपूर्वी जी पत्रलेखा होती ती खूप वेगळी होती. तेव्हा माझं वयही कमी होतं."

"तेव्हा माझ्यासाठी काम मिळणं महत्वाचं होतं. मी तेव्हा काम मिळवण्यासाठी खूप अस्वस्थ असायचे. अशा मानसिकतेतच मी तो सिनेमा केला. तेव्हा मला याची जाणीव झाली नाही."

"त्या सिनेमात काहीही चुकीचं नव्हतं. जे स्क्रिप्टमध्ये होतं तेच तसाच सिनेमा बनवण्यात आला. पण मी तेव्हा सिनेमाला न्याय देऊ शकले का? तर नाही. मी सिनेमासाठी योग्य व्यक्ती नव्हते."

"माझ्याकडून ती चूक झाली. सिनेमा हातातून जाईल म्हणून यात काम करायचं हे अयोग्य होतं याचा मी विचार करायला हवा होता. पण हेही तितकंच खरं आहे की माझ्याजवळ काम नव्हतं. त्यामुळे मी स्वत:ला जास्त दोष देणार नाही."