'कारभारीन' संजनासोबत 'गुलिगत किंग' सूरज चव्हाणचं राजेशाही थाटात फोटोशूट

सूरज आणि संजना यांचं एक खास राजेशाही फोटोशूट चर्चेत आलं आहे.

सध्या मराठी मनोरंजनविश्वास सनई चौघडे वाजत आहेत. 'बिग बॉस मराठी सीझन ५'चा विजेता आणि सोशल मीडिया स्टार सूरज चव्हाण हा २९ नोव्हेंबर रोजी विवाहबंधनात अडकला.

सूरजने पुण्याजवळील सासवडमध्ये मोठ्या थाटामाटात संजना गोफणेशी लग्न केले. त्यांच्या लग्नाचे फोटो आणि व्हिडीओ सोशल मीडियावर व्हायरल होताना दिसत आहेत.

सूरज आणि संजना यांचं एक खास राजेशाही फोटोशूट चर्चेत आलं आहे. हे फोटो सध्या सोशल मीडियावर धुमाकूळ घालत आहेत.

सूरजने या फोटोशूटमध्ये पारंपरिक राजेशाही वेशभूषा केली. तर संजनाने मराठमोळ्या पण राजेशाही अत्यंत देखणा असा लूक केला आहे.

संजनाने हिरव्या नऊवारी साडीतील लूकवर सुंदर पारंपरिक दागिन्यांचा साज केला आहे.

सूरजने हे फोटो पोस्ट करत कॅप्शनमध्ये संजनासाठी प्रेमाने 'कारभारीन' असं लिहलं.

सूरजची पत्नी संजना ही त्याच्या नात्यातलीच आहे. ती सूरजच्या चुलत मामाची मुलगी आहे.

गेल्या काही वर्षांपासून दोघे एकमेकांना ओळखतात. त्याचं लव्ह मॅरेज आहे. आता ती सूरजची बायको म्हणून ओळखी जाणार आहे.

लग्नानंतर सूरज बायकोसोबत जेजुरी येथे खंडेरायाचं दर्शन घेण्यासाठी गेला होता. बायकोला खांद्यावर उचलून तो जेजुरी गड चढला.

सूरज आणि संजना यांच्यावर सध्या चाहत्यांकडून अभिनंदनाचा आणि प्रेमाचा वर्षाव होत आहे.