वरूणने मारला हृतिक-कंगनाला टोमणा

फ�

��ल्म इंडस्ट्रीमध्ये कधी कोणता कसा वाद निर्माण होईल याचा काही नेम नाही. हृतिक-कंगनाचे भांडण तर जगजाहीर आहे. कोर्टात सुरू असलेल्या या लढाईची मीडिया आणि बी-टाऊनमध्ये मस्त चवीने चर्चा केली जातेय.

या गॉसिपमध्ये आता वरूण धवननेसुद्धा उडी घेतली आहे. झाले असे की, सोमवारी जॉन-वरुण-जॅकलिन स्टारर ‘ढिश्शूम’ या चित्रपटाची शुटिंग मुंबईत पूर्ण झाली. यानिमित्ताने एक पत्रकार परिषद आयोजित करण्यात आली.

तीन्ही स्टार्स त्यांचे शुटिंग अनुभव, मजेशीर किस्से मीडियाशी शेअर करत होते. बरं सगळ नॉर्मल सुरू असताना एका पत्रकाराने वरूणला हृतिक-कंगणाबद्दल विचारले.

यावर उत्तर देण्याचे टाळण्याऐवजी या पठ्याने टोमणा मारला. तो म्हणाला, आमच्या चित्रपटाचे नाव ‘ढिश्शुम’ आहे, ‘ढिश्शूम ढिश्शूम’ नाही.’ वरूणचा हा टोमणा त्या दोघांना किती जिव्हारी लागतो हे येत्या काही दिवसांत कळेलच.