सिद्धार्थ मल्होत्राच्या 'शेरशाह'च्या ट्रेलरने घातली बॉलिवूडकरांना भुरळ, करताहेत प्रशंसा

अभिनेता सिद्धार्थ मल्होत्रा ​​आणि कियारा आडवाणी अभिनीत शेरशाह चित्रपटाचा ट्रेलर नुकताच रिलीज झाला आणि या ट्रेलरला प्रेक्षकांचा खूप चांगला प्रतिसाद मिळतो आहे.सिद्धार्थ मल्होत्राने कॅप्टन विक्रम बत्रा यांच्या व्यावसायिक आणि वैयक्तिक अशा दोन्ही प्रकारचा व्यक्तिरेखेने प्रेक्षकांना प्रभावित केले आहे. बॉलिवूडच्या अनेक सेलिब्रिटींनी सोशल मीडियावर ट्रेलर शेअर केला आणि त्याचे कौतुक केले.
अक्षय कुमारने आपल्या ट्विटरवर लिहिले की, “रील हिरो खर्‍या नायकाला काय श्रद्धांजली वाहू शकेल?  परमवीर चक्र पुरस्कार कॅप्टन विक्रम बत्रा! तुम्ही आपल्या बलिदानाने आम्हाला जीवनासाठी प्रेरणा दिली. माझा वाढदिवस तुझ्याबरोबर शेअर करण्यासाठी स्वत: ला भाग्यवान समजतो. "

What tribute can a reel hero give to a real hero. Except that your sacrifice inspired us for life, Param Vir Chakra Awardee Captain Vikram Batra! Honoured to share my birthday with you. Sharing the trailer of #Shershaah,the story of your heroic sacrifice.https://t.co/XZpmNSvYsM

— Akshay Kumar (@akshaykumar) July 25, 2021

ट्रेलरचे कौतुक करत वरुण धवनने लिहिले, "अशा खास दिवशी इतका प्रभावशाली ट्रेलर. लेट्स गो टीम, शेरशाह."

आलिया भट्ट यांनीही तीच भावना शेअर केली आणि ट्विटरवर लिहिले की, “अरे देवा!  किती सुंदर ट्रेलर आहे.  आमच्या कारगिल युद्ध नायकाची प्रेरणादायक कथा पाहण्यासाठी मी अजून प्रतीक्षा करू शकत नाही.  शेरशाहच्या संपूर्ण टीमचे अभिनंदन,  पाहण्याची अजून वाट पाहू शकत नाही! "

करीना कपूरने इन्स्टाग्रामवर लिहिले की, "शेरशाह ट्रेलर , अभिनंदन टीम # शेरशाह! आमच्या कारगिल युद्धाचा नायक कॅप्टन विक्रम बत्रा (पीव्हीसी) याची खरी कहाणी अनुभवण्या साठी अजून प्रतीक्षा करू शकत नाही!"

जान्हवी कपूरने लिहिले, "असे धैर्य, शौर्य आणि उत्कटता नेहमीच प्रेरणा देते. ही प्रेरणादायक कहाणी आमच्या पर्यंत पडद्यावर आणल्याबद्दल शेरशाहच्या संपूर्ण टीमला प्रेम आणि शुभेच्छा. मी हे पाहण्यासाठी अजून वाट बघू शकत  नाही."

अनन्या पांडे, सारा अली खान आणि विक्की कौशल यांनीही त्यांच्या उत्साह आणि संघाला शुभेच्छा आपापल्या सोशल मीडियाद्वारे दिल्या .