'गदर २'मध्ये अमरीश पूरींच्या जागी झळकणार हा अभिनेता, म्हणाला - 'शंभर अभिनेते आले तरी...'

Gadar 2 : 'गदर २'चा दमदार ट्रेलर नुकताच भेटीला आला आहे. यात सनी देओल तारा सिंग आणि अमिषा पटेल सकीनाच्या भूमिकेत दिसणार आहे. मात्र अमरीश पुरींनी साकारलेल्या भूमिकेत हा अभिनेता झळकणार आहे.

'गदर २'(Gadar 2)चा ट्रेलर नुकताच लाँच झाला आहे. या चित्रपटात सनी देओल, अमिषा पटेल आणि उत्कर्ष शर्मा मुख्य भूमिकेत दिसणार आहे. ट्रेलरला चाहत्यांकडून खूप चांगला प्रतिसाद मिळतो आहे. आपल्याला पाहायला मिळाले की, तारा आणि सकीनाचा मुलगा जीतेला पाकिस्तानमध्ये पकडले आहे. यावेळेस सनी देओल आपल्या मुलाला आणण्यासाठी पुन्हा पाकिस्तानात जाणार आहे. त्यानंतर काय घडणार, हे पाहणे कमालीचे ठरणार आहे. 

गदरमध्ये ताराच्या वडिलांची भूमिका अमरीष पुरींनी साकारली होती. दुसऱ्या भागात आता त्यांच्या जागी मनीष वाधवा दिसणार आहे. मनीष वाधवाने मेयर अशरफ अलीची भूमिका साकारली आहे. त्याला भारतीय सैनिकांना कैद करण्यासाठी पछाडलं आहे. पत्रकार परिषदेत मनीष वाधवा म्हणाला की, मी अनिल शर्मांना भेटलो. जे या चित्रपटाचे निर्माते आहेत. मला मोठ्यांच्या आशीर्वादाने मला ही भूमिका मिळाली आहे.

View this post on Instagram

A post shared by Manish Wadhwa (@manishwadhwa.in)

तो पुढे म्हणाला की, अमरीष पुरी प्रतिष्ठीत आहे. १०० अभिनेते देखील त्यांच्यासारखे अविस्मरणीय काम करु शकत नाही. तुम्ही पाहू शकता की, माझ्या चेहऱ्यावर भीती आहे. मात्र सेटवर अनिल सर, सनी देओल यांनी हे सत्य सोपे बनवले. त्यांच्यासोबत काम करायला चांगले वाटले. याशिवाय चाहत्यांनी मला नेहमीच प्रेम दिले.

मनीष वाधवाने काही मालिकेत काम केले आहे. त्याने पठाण, मणिकर्णिका, पद्मावत, श्याम सिंघा रॉय, राहुल या सारख्या चित्रपटातही झळकला आहे. छोट्या पडद्यावर त्याने परमावतार श्री कृष्ण, पेशवा बाजीराव, नागार्जुन सारख्या मालिकेत काम केले आहे.