आप जैसे लोग इतिहास बदलते है! शिल्पा शेट्टीचं पंतप्रधान नरेंद्र मोदी यांना खास पत्र

बॉलिवूड अभिनेत्री शिल्पा शेट्टी कुंद्रा ( Shilpa Shetty Kundra ) हिने पंतप्रधान नरेंद्र मोदी यांना खास पत्र लिहिले आहे. अयोध्या येथे झालेल्या राम मंदिराच्या प्राण प्रतिष्ठा सोहळ्याचं विशेष कौतुक करणारे हे पत्र आहे आणि त्यात तिने पंतप्रधान मोदी यांचे कौतुक केले आहे. शेकडो वर्षांचे कोट्यवधी भारतीयांचे स्वप्न साकार केल्याबद्दल शिल्पाने पंतप्रधानांच्या नेतृत्वकौशल्याचे कौतुक केले.  

शिल्पाने लिहिले की,''आदरणीय मोदी जी, काही लोकं इतिहास वाचतात, काही लोकं इतिहासातून शिकतात, परंतु तुमच्यासारखी लोकं इतिहास बदलतात.. तुम्ही राम जन्मभूमिचा पाचशे वर्षांचा इतिहास बदलून दाखवला. मनापासून तुमचे आभार... या शुभकार्यासोबत, प्रभु श्री राम यांच्या नावासोबत, तुमचं नाही कायमचं जोडलं गेलं आहे. नमो राम, जय श्री राम ! 

#धन्यवाद_मोदीजी

सुप्रसिध्द अभिनेत्री @TheShilpaShetty जी यांनी नुकताच पंतप्रधान नरेंद्र मोदीजींना पत्र लिहून त्यांचे आभार मानले.
५ शतकांपासून श्रीरामांना वनवास घडत होता. अखेर तो वनवास संपला. तेही मोदीजींच्या प्रयत्नांमुळे.. यासाठीच शिल्पाजींनी पंतप्रधानांचे आभार मानले आहेत.… pic.twitter.com/LTqpjGolLK

— भाजपा महाराष्ट्र (@BJP4Maharashtra) February 12, 2024

अयोध्येत २२ जानेवारीला राम मंदिराचा प्राण प्रतिष्ठा सोहळा पार पडला. या भव्य सोहळ्याला अमिताभ बच्चन, अभिषेक बच्चन, रणबीर कपूर, आलिया भट, विकी कौशल, कॅटरिना कैफ, अनुपम खेर, विवेक ओबरॉय, हेमा मालिनी, रोहित शेट्टी, माधुरी दिक्षित नेने, राजकुमार हिराणी आणी अनेक बॉलिवूड सेलिब्रेटी उपस्थित होते.