​मला गंभीर आजार; माझ्यासाठी प्रार्थना करा! इरफान खानच्या ट्वीटमुळे चाहते चिंतीत!!

अभिनेता इरफान खानला एका गंभीर आजाराने ग्रासले आहे. होय, खुद्द इरफाननेच आपल्या सोशल अकाऊंटवर याची माहिती दिली आहे. ‘एखाद्या ...

अ�

��िनेता इरफान खानला एका गंभीर आजाराने ग्रासले आहे. होय, खुद्द इरफाननेच आपल्या सोशल अकाऊंटवर याची माहिती दिली आहे. ‘एखाद्या सकाळी तुम्ही उठता आणि असा काही हादरा बसतो की, हा हादरा आयुष्यचं हादरवून सोडतो. गत पंधरा दिवस एखाद्या गूढ कथेसारखे भासू लागले आहेत.  गूढ कथेचा हा शोध मला एक दुर्मिळ आजारापर्यंत पोहोचवणारा ठरले, हे मलाही ठाऊक नव्हते. मी सध्या एका गंभीर आजाराशी लढा देत आहे. मी आयुष्यात कधीच तडतोड स्वीकारली नाही. कायम मला हव्या त्या गोष्टीसाठी भांडत आलो. भविष्यातही माझे भांडण असेच सुरुच राहिल. माझे कुटुंब आणि मित्र माझ्यासोबत आहेत.  आम्ही यातून  मार्ग काढण्याच्या प्रयत्नांत आहोत. कृपया  कुठलेही तर्क वितर्क काढू नका. सर्व वैद्यकीय चाचण्यांचे रिपोर्ट्स येताच, मी स्वत:च तुम्हाला सर्व कहाणी सांगेल. तोपर्यंत माझ्यासाठी प्रार्थना करा, असे इरफानने लिहिले आहे. 


इरफानच्या या पोस्टमुळे चाहत्यांना मोठा धक्का बसला आहे. काही दिवसांपूर्वीच इरफानला जॉन्डिस झाल्याचे समोर आले होते. डॉक्टरांनी त्याला विश्रांतीचा सल्ला दिला होता. यामुळे इरफानला त्याच्या ‘ब्लॅकमेल’ या आगामी चित्रपटाचे प्रमोशन थांबवावे लागले होते. त्याच्या अन्य चित्रपटांचे शूटींगही थांबवण्यात आले होते.
‘सलाम बॉम्बे’,‘फुटपाथ’,‘साढे सात फेरे’,‘बिल्लू’,‘पीकू’, ‘मदारी’, ‘पान सिंह तोमर’, ‘लाईफ इन मेट्रो’,‘लाईफ आॅफ पाय’, ‘हिंदी मीडियम’ यासारख्या चित्रपटांत इरफान दिसला आहे. आपल्या नैसर्गिक अभिनयासाठी ओळखला जाणाºया इरफानचा स्वत:चा एक चाहता वर्ग आहे. त्याच्या आजारपणाच्या बातमीने साहजिकच अनेकांच्या काळजाचा ठोका चुकला आहे. चाहत्यांच्या सगळ्या सदिच्छा, प्रेम त्याच्यासोबत आहेत. आमच्याही सदिच्छा इरफानसोबत आहेत. अनेक संघर्षानंतर इरफान इथपर्यंत पोहोचला आहे. या संकटातूनही तो सहीसलामत बाहेर पडेल, अशी कामना करू यात.

ALSO READ : ...म्हणून इरफान खान शूटिंग अर्धवट सोडून घरी गेला

इरफान अॅमेझॉन प्राईम व्हिडिओ सिरिजच्या 'द मिनस्ट्री'मध्ये दिसणार आहे. यानंतर तो विशाल भारव्दाजच्या आगामी चित्रपटाच्या शूटिंगला सुरुवात करणार आहे. विशाल भारव्दाजचा हा चित्रपट एक सत्य घटनेवर आधारित आहे. रहिमा खान नावाची लेडी डॉन सपना दीदीच्या नावाने फेमस होती. रहीमाने आपल्या नवऱ्याच्या खूनचा बदला घेण्यासाठी अंडरवर्ल्ड डॉन दाऊद इब्राहिमला मारण्याचा प्लॉन आखला होता. मात्र यात तिचाच मृत्यू झाला. चित्रपटात रहिमाची भूमिका दीपिका पादुकोण साकारणार आहे. तर इरफान खान  अंडरवर्ल्ड डॉन दाऊद इब्राहिमची भूमिका साकारणार आहे. विशाल भारव्दाज यांचा हा बिग बजेट चित्रपट असणार आहे. २०१८ च्या अखेरीस हा चित्रपट रिलीज होण्याची शक्यता आहे.