'धुरंधर'ने फिल्म इंडस्ट्रीला दिली वॉर्निंग..., राम गोपाल वर्मांचं लांबलचक ट्वीट, आदित्य धर भारावला

राम गोपाल वर्मा 'धुरंधर'बद्दल असं काय म्हणाले?

आदित्य धर दिग्दर्शित 'धुरंधर' सिनेमाची जगभरात चर्चा आहे. सिनेमाला प्रेक्षकांचा, चाहत्यांचा आणि इंडस्ट्रीतील कलाकारांचाही जोरदार प्रतिसाद मिळत आहे. सिनेसृष्टीतील अनुभवी, प्रसिद्ध दिग्दर्शक राम गोपाल वर्मा यांनीही सिनेमा पाहून मोजक्या शब्दात प्रतिक्रिया दिली. त्यांनी ट्वीट करत सिनेमाचं कौतुक केलं. ते पाहून आदित्य धरही भारावला. काय म्हणाले राम गोपाल वर्मा?

राम गोपाल वर्मांनी ट्वीट करत लिहिले, "धुरंधर फक्त सिनेमा नाही तर भारतीय सिनेसृष्टीचं चित्र पालटणारा सिनेमा आहे. भारतीय सिनेसृष्टीचं भविष्य आदित्य धरने एकहाती बदललं आहे. मग ते नॉर्थ असो किंवा साऊथ...याचं कारण धुरंधर फक्त सिनेमा नाही तर मोठी झेप आहे. सिनेमाने जे कमावलं आहे ते नुसत्या स्केलवर नाही तर याआधीच कधीच न अनुभवलेलं यश आहे. आदित्यने इथे फक्त सीन दिग्दर्शित केलेले नाही तर प्रत्येक कॅरेक्टर आणि प्रेक्षक सर्वांच्याच मानसिकतेची काळजी घेतली आहे. टेक्निकली हा सिनेमा भारतीय सिनेमाची नवी परिभाषा लिहित आहे. साऊंड डिझाईनने फक्त सीनला डेकोरेट केलेलं नाही तर स्टॉक केलं आहे. अॅक्शन ही फक्त कोरियोग्राफी नाही. एक खरी हिंसा जाणवत आहे."

"रणवीरने थोडं मागे येत अक्षय खन्नाला फ्रेम व्यापणाची संधी दिली हे शानदार आहे. कारण हीच कथेची गरज होती आणि रणवीरला सिनेमाची समज आहे. धुरंधरचं यश पुढचा ब्लॉकबस्टर नाही तर फिल्म इंडस्ट्रीने आता प्रगती करावी यासाठी दिलेली वॉर्निंगच आहे."

DHURANDHAR is not a film , it is a QUANTUM LEAP in INDIAN CINEMA

I believe that @AdityaDharFilms has completely and single handedly changed the future of Indian cinema , be it north or south ..That’s because Duradhar is not just a film.. it is a quantum leap

What Dhurandhar…

— Ram Gopal Varma (@RGVzoomin) December 19, 2025

राम गोपाल वर्मांच्या या शब्दांनी आदित्य धरही भारावला. एक दिवस त्यांच्यासोबत काम करायचं हे आदित्यचं स्वप्न होतं जे पूर्ण झालं नाही. पण अप्रत्यक्षरित्या आपण त्यांच्यासोबतच सिनेमा केल्याची भावना त्याने ट्वीट करत मांडली. 

Sir… 🙏
If this tweet were a film, I would have gone to watch it first day first show, stood in the last row, and come out changed.
I came to Mumbai years ago carrying one suitcase, one dream, and an unreasonable belief that I would one day work under Ram Gopal Verma. That never…

— Aditya Dhar (@AdityaDharFilms) December 19, 2025

'धुरंधर' सिनेमाने आतापर्यंत ४०० कोटी पार कमाई केली आहे. लवकरच सिनेमा ५०० कोटींच्या क्लबमध्ये एन्ट्री घेईल असा अंदाज आहे. तसंच पुढील वर्षी १९ मार्च रोजी 'धुरंधर' पार्ट २ रिलीज होणार आहे.