Pathaan Box office Collection: बॉक्स ऑफिसवर पठाण नावाचं वादळ, 500 कोटींच्या क्लबमध्ये धमाकेदार एंट्री!

शाहरुख खान स्टारर 'पठाण' चित्रपटाने अनेक चित्रपटांचे रेकॉर्ड ब्रेक करत इतिहास रचला आहे. आता या चित्रपटाच्या लेटेस्ट कमाईचा आकडा समोर आला आहे.

Pathaan Box office Collection Day 22 :शाहरुख खान स्टारर 'पठाण' हा आतापर्यंत बॉलिवूडमधील सर्वाधिक कमाई करणारा चित्रपट ठरला आहे. या चित्रपटाने अनेक चित्रपटांचे रेकॉर्ड ब्रेक करत इतिहास रचला आहे. 22 दिवसांनंतरही किंग खानच्या पठाणची क्रेझ कमी झालेली दिसत नाहीत. दिवसेंदिवस या चित्रपटाच्या कलेक्शनमध्ये वाढ होताना दिसतेय.  'पठाण'ने रिलीजच्या 22 व्या दिवशी किती कोटींची कमाई केली आहे हे जाणून घेऊया.

शाहरुख खान स्टारर 'पठाण' बॉक्स ऑफिसवर दररोज नवनवे रेकॉर्ड बनवत आहे. कलेक्शनबद्दल बोलायचे झाले तर 'पठाण'ने रिलीजच्या पहिल्याच दिवशी 55 कोटींची कमाई केली होती. तेव्हापासून 'पठाण' बॉक्स ऑफिसवर धमाकेदार कमाई करतो आहे. 'पठाण'ने 22व्या दिवसाच्या कमाईचे आकडेही समोर आला आहे. सकनिल्‍कच्‍या रिपोर्टनुसार, 'पठाण'ने रिलीजच्‍या 22 व्या दिवशी 3.50 कोटींची कमाई केली आहे. चित्रपटाचे एकूण कलेक्शन आता 502.35 कोटी रुपयांवर पोहोचले आहे. म्हणजेच चित्रपटाने 500 कोटींचा आकडा पार केला आहे.

सिद्धार्थ आनंदच्या अ‍ॅक्शन थ्रिलर 'पठाण'नं दंगल, केजीएफ चॅप्टर 2, द काश्मीर फाइल्स आणि इतर अनेक चित्रपटांचं  कलेक्शनचे रेकॉर्ड मोडले आहेत. देशातील बॉक्स ऑफिसवर धुमाकूळ घालणाऱ्या या चित्रपटाने आता 500 कोटींचा जादुई आकडा पार करत नवा विक्रम केला आहे. इतकेच नाही तर वर्ल्डवाइड चित्रपट 1000 कोटींच्या क्लबमध्ये सामील होण्यापासून काही पावलं दूर आहे. शाहरुख खान व्यतिरिक्त दीपिका पादुकोण, जॉन अब्राहम, आशुतोष राणा आणि डिंपल कपाडिया यांनी अ‍ॅक्शन थ्रिलरमध्ये महत्त्वपूर्ण भूमिका साकारल्या आहेत.