‘पॅडमॅन’ अक्षयकुमारचे पुन्हा दिसले देशप्रेम; शहिदांच्या कुटुंबीयांसाठी दिले १२.९३ कोटी!

/>बॉलिवूडचा खिलाडी अक्षयकुमार याचा बॉलिवूडमधील सुरुवातीचा अन् आताचा प्रवास लक्षात घेता त्यात बराचसा बदल झाल्याचे दिसून येते. कारण गेल्या काही काळापासून अक्षय देशभक्ती आणि सामाजिक व्यवस्थेवर आधारित चित्रपट करण्यावर भर देत आहे. केवळ चित्रपटांमध्येच त्याचे देशप्रेम दिसून येत नाही तर वास्तविक जीवनातही तो वेळोवेळी देशाप्रतीचा आदर दाखवित आला आहे. अक्षय सध्या त्याच्या आगामी ‘पॅडमॅन’ या चित्रपटाच्या प्रमोशनमध्ये व्यस्त आहे. सामाजिक प्रश्नावर आधारित असलेला त्याचा हा चित्रपट ९ फेब्रुवारी रोजी रिलीज होणार आहे. सुरुवातीला हा चित्रपट २५ जानेवारी रोजी रिलीज होणार होता. परंतु संजय लीला भन्साळी यांच्यासोबतचे मैत्रिपूर्ण संबंध टिकविण्याच्या हेतूने अक्षयने त्याच्या चित्रपटाची रिलीज डेट बदलली. यावेळी अक्षयकुमारने एक पत्रकार परिषद घेऊन याबाबतची रितसर घोषणा केली. 

पत्रकार परिषद पार पडताच अक्षय मुंबईहून दिल्लीच्या दिशेने रवाना झाला. दिल्लीला तो ‘भारत के वीर’ हे देशभक्तीपर गीत लॉन्च करण्यासाठी गेला होता. परंतु याठिकाणी अक्षयचे पुन्हा एकदा वेगळेच रूप बघावयास मिळाले. त्याने पुन्हा एकदा आपल्यातील देशभक्ती दाखवून देताना शहीद जवानांच्या परिजनांसाठी तब्बल १२.९३ कोटी रूपयांची मदत केली. याविषयीची माहिती त्याने ट्विटरच्या माध्यमातून त्याच्या चाहत्यांशी शेअर केली. 
 

वास्तविक अक्षयने यापूर्वी शहिदांच्या कुटुंबीयांसाठी वेळोवेळी मदत दिली आहे. याच कारणामुळे अक्षयला संबंध देशातूून प्रचंड प्रेम मिळत आहे. त्याचा प्रत्येक चित्रपट बॉक्स आॅफिसवर सुपरहिट ठरत असून, आगामी ‘पॅडमॅन’ही असाच करिश्मा दाखवेल अशी शक्यता आहे. दरम्यान, अक्षय सध्या त्याच्या ‘केसरी’ या चित्रपटाच्या शूटिंगमध्ये व्यस्त आहे. काही दिवसांपूर्वीच त्याने ‘गोल्ड’ या चित्रपटाची शूटिंग पूर्ण केली आहे.

Web Title: 'Padman' Akshay Kumar's re-discovered country-wide love; 12.93 crore for the martyrs' families

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.