​अक्षय कुमार नव्हे तर या अभिनेत्यासाठी रवीना टंडनने केला होता आत्महत्येचा प्रयत्न

अक्षय कुमार आणि रवीना टंडनचे अफेअर सगळ्यांनाच माहीत आहे. मोहरा या चित्रपटाच्या दरम्यान त्यांच्याच प्रेमप्रकरण फुलले होते. अक्षय आणि ...

अ�

��्षय कुमार आणि रवीना टंडनचे अफेअर सगळ्यांनाच माहीत आहे. मोहरा या चित्रपटाच्या दरम्यान त्यांच्याच प्रेमप्रकरण फुलले होते. अक्षय आणि रवीना अनेक चित्रपटांमध्ये एकत्र झळकले होते आणि त्यांच्या जोडीची चर्चा देखील झाली होती. अक्षय आणि रवीना लग्न करणार असे सगळ्यांना वाटत होते. पण काहीच वर्षांत त्या दोघांचे ब्रेकअप झाले. अक्षयसोबतच नव्हे तर बॉलिवूडमधील एका प्रसिद्ध अभिनेत्यासोबत देखील रवीनाचे प्रेमप्रकरण गाजले होते. त्या अभिनेत्याने तिला धोका दिल्यामुळे तिने आत्महत्येचा प्रयत्न देखील केला होता.
रवीनाने कोणत्या अभिनेत्यासाठी आत्महत्येचा प्रयत्न केला होता हे ऐकले तर तुम्हाला नक्कीच आश्चर्यचा धक्का बसेल. हा अभिनेता दुसरा कोणीही नसून अजय देवगण आहे. अजय आणि रवीनाने गैर, दिलवाले, एक ही रास्ता, जंग यांसारख्या अनेक चित्रपटांमध्ये एकत्र काम केले होते. त्यांच्यात अनेक वर्षं प्रेमप्रकरण सुरू होते. पण अजयच्या आयुष्यात करिश्मा कपूर आल्यानंतर त्याने रवीनासोबत ब्रेक अप केले. अजयवर रवीना प्रचंड प्रेम करत होती. त्यामुळे अजय तिच्यापासून दूर गेलेला ती सहनच करू शकली नव्हती आणि तिने डिप्रेशन मध्ये जाऊन आत्महत्येचा प्रयत्न देखील केला असल्याचे म्हटले जाते. 




ब्रेकअप नंतर अजय आणि रवीना हे एकमेकांचे अक्षरशः शत्रू बनले होते. रवीनाने अनेक मुलाखतींमध्ये अजय विरोधात आपले मत मांडले आहे. अजयने तिला फसवले असल्याचे तिने म्हटले होते. त्यावर रवीनाला मानसोपचारतज्ज्ञाची गरज असल्याचे अजयने फिल्म फेअरला दिलेल्या मुलाखतीत म्हटले होते. फिल्म फेअरला दिलेल्या मुलाखतीत रवीनाने केलेल्या आत्महत्येच्या प्रयत्नाबाबत देखील अजय बोलला होता. त्याने सांगितले होते की, रवीनाला मी प्रेम पत्र लिहिले असल्याचे तिने म्हटले आहे. असे कोणतेच पत्र मी लिहिलेले नाहीत. तिला वाटत असेल तर तिने ही पत्रं खुशाल छापावीत. माझे नाव घेऊन ती पब्लिसिटी मिळवण्याचा प्रयत्न करत आहे. तिने आत्महत्येचा जो प्रयत्न केला, तोदेखील एक पब्लिसिटी स्टंटच होता. 

Also Read : या अभिनेत्रीमुळे ट्विंकल खन्नाने अक्षय कुमारला दिला होता चोप