मराठमोळ्या या अभिनेत्रीला साउथ इंडस्ट्रीत आलेला वाईट अनुभव, स्वतःच केला खुलासा

मराठमोळ्या या अभिनेत्रीने दाक्षिणात्य सिनेइंडस्ट्रीतून कारकीर्दीची सुरूवात केली होती. मात्र तिला तिथे वाईट अनुभव आला. ही अभिनेत्री म्हणजे 'खल्लास गर्ल' ईशा कोप्पिकर (Isha Koppikar). त्यानंतर ती डॉन, सलाम-ए-इश्क: अ ट्रिब्यूट टू लव्ह आणि मैंने प्यार क्यूं किया यासारख्या बॉलिवूड चित्रपटांमध्येही दिसली. अलीकडेच तिच्या कारकिर्दीच्या सुरुवातीच्या काळात अभिनेत्रीला वाईट वागणूक देण्यात आली होती, ज्याबद्दल तिने एका मुलाखतीत सांगितले. डिजिटल कमेंटरीशी बोलताना ईशाने आठवण करून दिली आणि सांगितले की जेव्हा ती साउथ सिनेइंडस्ट्रीत स्वतःला स्थापित करण्याचा प्रयत्न करत होती, तेव्हा एका दिग्दर्शकाने तिला अपमानित करण्याचा प्रयत्न केला.

ईशा कोप्पिकर म्हणाली, "हो, मी माझ्या करिअरची सुरुवात एका साऊथ चित्रपटाने केली होती. हे बॉलिवूडमध्ये येण्यापूर्वीचे आहे. जेव्हा मी सेटवर होते तेव्हा खूप डान्स होत असे. तुम्हाला माहित असेल की साउथ इंडियन डान्स कसे असतात, ते सोपे नसतात. पण माझ्या पहिल्याच चित्रपटात माझ्या कोरिओग्राफरने मला सर्वांसमोर सांगितले की या मुली बॉलिवूडमधून येतात, मला माहित नाही की त्यांना का कामावर ठेवले जाते. त्यांना काहीही येत नसते."

ईशाने ते चॅलेंज म्हणून स्वीकारले
ईशा कोप्पिकरने सांगितले की, या घटनेनंतर तिने तिचे नृत्य कौशल्य सुधारण्याचा विचार केला. अभिनेत्री म्हणाली, "त्याने माझा अपमान केला. मला माहित नाही की त्याच्यावर काही दबाव होता की नाही. तो म्हणाला की जर तुला नाचता येत नसेल तर तू इथे का आली आहेस? मला खूप वाईट वाटले आणि अपमान झाला. मी माझ्या मेकअप रूममध्ये परत गेले आणि रडले. पण मी ते आव्हान म्हणून स्वीकारले आणि म्हणाले, पुढच्या वेळी जेव्हा मी साउथच्या चित्रपटात काम करेन. तेव्हा मी डान्स शिकून येईन. मी पुन्हा कधीही कोणालाही माझ्याशी असे बोलू देणार नाही."

खल्लास गर्ल म्हणून मिळाली ओळख
ईशाने सांगितले की यानंतर ती थेट डान्स कोरिओग्राफर सरोज खानकडे गेली आणि ही कला शिकू लागली. जेणेकरून कोणीही तिला पुन्हा असे म्हणू नये. खल्लास गर्ल म्हणून प्रसिद्ध असलेल्या ईशाने २००२ मध्ये कंपनीच्या चार्टबस्टर गाणे खल्लासमधून प्रसिद्धी मिळवली. तिच्या बोल्ड स्क्रीन प्रेझेन्स आणि डान्स मूव्हजमुळे ती रातोरात प्रसिद्ध झाली.