अन् सनी देओलचा मुलगा करण देओलवर भडकला केआरके; वाचा काय आहे कारण
By ऑनलाइन लोकमत | Published: September 24, 2019 03:06 PM2019-09-24T15:06:57+5:302019-09-24T15:08:28+5:30
होय, नुकतेच असे काही घडले की केआरके करण देओलवर जाम भडकला.
अन् सनी देओलचा मुलगा करण देओलवर भडकला केआरके; वाचा काय आहे कारण
Next सनी देओलचा मुलगा करण देओल याने नुकताच ‘पल पल दिल के पास’ या चित्रपटातून डेब्यू केला. स्वत: सनी देओलने मुलाचा चित्रपट दिग्दर्शित केला. तर धर्मेन्द्र यांनी नातवाच्या चित्रपटाच्या निर्मितीची जबाबदारी आपल्या खांद्यावर घेतली. तूर्तास या चित्रपटाला प्रेक्षकांचा संमिश्र प्रतिसाद मिळत आहे. पण करणच्या अभिनयाची मात्र अनेकांनी प्रशंसा केली आहे. अपवाद फक्त कमाल आर खान याचा. होय, नुकतेच असे काही घडले की कमाल आर खान अर्थात केआरके करण देओलवर जाम भडकला. इतका की, त्याने सोशल मीडियावर आपला हा संताप बोलून दाखवला.
Today, I saw #KaranDeol at the airport and he didn’t even say hello to me, while I am elder than him and I am #TheNo1Critic#TheBrandKRK in the Bollywood today. Means this boy is not only bad actor but having attitude problem also. Means he can’t become successful in the Bollywd.
— KRK (@kamaalrkhan) September 23, 2019
‘आज मी एअरपोर्टवर करण देओलला भेटलो. पण करणने साधे मला हॅलो म्हणण्याचेही सौजन्य दाखवले नाही. मी त्याच्यापेक्षा मोठा आहे, नंबर एकचा समीक्षक आहे. याचा अर्थ स्पष्ट आहे, हा मुलगा (करण देओल) केवळ अ‍ॅक्टिंगमध्ये कमजोर नाही तर त्याच्यात अंहकारही आहे. त्यामुळे बॉलिवूडमध्ये हा कधीच यशस्वी होऊ शकत नाही...,’असे ट्वीट केआरकेने केले.
(करण देओल)
केआरके हा त्याच्या वादग्रस्त ट्वीटसाठी ओळखला जातो. काही दिवसांपूर्वी त्याने जावेद जाफरीचा मुलगा मिजान जाफरी याच्याबद्दलही असेच वादग्रस्त ट्वीट केले होते. ‘मेकर्स केवळ घराणेशाहीपोटी नॉन टॅलेंटेड आणि हॉरीबल दिसणा-या अ‍ॅक्टर्सला लॉन्च करणार असतील तर हा गुन्हा आहे. पब्लिक आपला पैसा अशा डफर अ‍ॅक्टर्सला पाहण्यासाठी खर्च करणार नाही. लोकांना मूर्ख बनवणे सोडा,’ असे ट्वीट केआरकेने मिजान जाफरीला उद्देशून केले होते. ’मिजानने संजय लीला भन्साळींची भाची शर्मिन सहगल हिच्यासोबत ‘मलाल’ या चित्रपटातून डेब्यू केला होता.