टी-२० विश्वचषक जिंकताच बॉलिवूडकरांकडून अभिनंदनाचा वर्षाव, शाहरुख, अनुष्का, ते सनी देओल काय म्हणाले?

न्यूझीलंडवर ९६ धावांनी दणदणीत विजय मिळवत भारतीय संघाने तिसऱ्यांदा टी-२० विश्वचषचषक स्पर्धेचं विजेतेपद पटकावलं आहे.

भारतीय क्रिकेट संघाने पुन्हा एकदा इतिहास रचला आहे. अहमदाबादमध्ये झालेल्या अंतिम लढतीत न्यूझीलंडवर ९६ धावांनी दणदणीत विजय मिळवत भारतीय संघाने तिसऱ्यांदा टी-२० विश्वचषचषक स्पर्धेचं विजेतेपद पटकावलं आहे. या विश्वविजयानंतर देशभरात क्रिकेटप्रेमींकडून जल्लोष साजरा केला जात असून बॉलिवूडमध्येही उत्सवाचे वातावरण पाहायला मिळाले. बॉलिवूड सेलिब्रिटींनी क्रिकेट संघावर अभिनंदनाचा वर्षाव केलाय.

सुपरस्टार शाहरुख खानने टीम इंडियाच्या कामगिरीचे कौतुक करताना लिहिले, "किती जबरदस्त विजय!! आमच्या 'ब्लू मेन'चे अभिनंदन!!! तुम्ही सर्वजण चॅम्पियन्स आहात. तुम्हाला मैदानावर खेळताना पाहून आम्हाला सार्थ अभिमान वाटतो. तुमचे खूप आभारा. जय हिंद!"

What a comprehensive victory!! Well done to our men in blue!!! You guys are champions and watching you on the field has made us all very proud.
Take a bow. Jai Hind! pic.twitter.com/X3Tsym3e01

— Shah Rukh Khan (@iamsrk) March 8, 2026

अक्षय कुमारने आपल्या आगामी 'भूत बांगला' चित्रपटातील डान्सचा एक मजेदार GIF शेअर करत म्हटले, "प्रत्येक घरात उत्सवाचे वातावरण आहे. वर्ल्ड कप घरी आणल्याबद्दल टीम इंडियाचे अभिनंदन!".

हर घर का माहौल 🕺🏼🥁
Congratulations on bringing the World Cup home, Team India 🇮🇳 pic.twitter.com/m6Tmmqj4NB

— Akshay Kumar (@akshaykumar) March 8, 2026

अहमदाबादच्या स्टेडियममध्ये सामना पाहणाऱ्या प्रेक्षकांमध्ये अचानक आपला भाऊ अपारशक्ती खुराना दिसल्याने अभिनेता आयुषमान खुरानाला आश्चर्याचा धक्का बसला. आयुषमानने फोटो सोशल मीडियावर शेअर करत आनंद व्यक्त केला. त्यानं लिहलं, "अहमदाबादचा शाप अखेर तुटला आहे! खऱ्या विजेत्यांनी पुन्हा एकदा इतिहास रचला". विशेष म्हणजे, भारताला टी-२० विश्वचषक जिंकून देणारे तिन्ही कर्णधार— एम.एस. धोनी (MSD), रोहित शर्मा (Ro) आणि सूर्यकुमार यादव (Sky) आज मैदानावर उपस्थित होते, ज्याचा उल्लेख करत आयुषमानने या विजयाला 'ऐतिहासिक' म्हटले आहे.

The Ahmedabad jinx has been broken! The worthy winners have written the history all over again! All three winning captains of T20 World Cup are present today! MSD, Ro and SKY! 🥇🙌 🇮🇳 #WorldCup2026

— Ayushmann Khurrana (@ayushmannk) March 8, 2026

सोनू सूदने लिहिले, "स्कोअरबोर्ड काहीही म्हणो... माझे मन आधीच आनंद साजरा करत आहे. टीम इंडियाचे अभिनंदन, पुन्हा एकदा चॅम्पियन!".

Scoreboard jo bhi kahe…
par dil already celebrate kar raha hai. 🇮🇳🏆
Congratulations Team India 🇮🇳
Champions again!”#worldchampions#T20WorldCup2026finalpic.twitter.com/zQRWAL5hJD

— sonu sood (@SonuSood) March 8, 2026

अजय देवगणने भावना व्यक्त करताना लिहिले, "ओरडून-ओरडून माझा घसा बसलाय, पण चेहऱ्यावरचं हास्य आता आठवडाभर जाणार नाही. आज तुम्ही अब्जावधी भारतीयांची मान अभिमानाने उंच केली आहे".

My throat is gone from all the shouting, but my smile isn't going anywhere all week!#TeamIndia you have made billions of hearts beat with pride tonight! CHAMPIONS once again! 🇮🇳🙌

— Ajay Devgn (@ajaydevgn) March 8, 2026

सनी देओलने आपल्या 'गदर' स्टाईलमध्ये "हिंदुस्तान झिंदाबाद" म्हणत संजू  सॅमसन, इशान किशन, अक्षर पटेल, अभिषेक शर्मा, शिवम दुबे यांचे तुमच्या उत्कृष्ट कामगिरीचं कौतुक केलं. 

The GABRUS of Team India!!! You have WON IT!!! 🏆#Champions you have made Hindustan Proud!! 🇮🇳🇮🇳🙌🏽

Congratulations #TeamIndia for back to back World Cup wins, you truly played like GABRUS- No Fear, All heart! 🫡 pic.twitter.com/YCNdAhYXbK

— Sunny Deol (@iamsunnydeol) March 8, 2026

बॉलिवूड अभिनेत्री अनुष्का शर्माने तिच्या इंस्टाग्राम स्टोरीवर पोस्ट करत टीम इंडियाला विजयाबद्दल अभिनंदन केले. तिने लिहिले, "शानदार विजय आणि सलग दोन विश्वचषक जेतेपद".