"मी त्याच कपड्यात...", ईशा गुप्ताने ११ वर्षांपूर्वी साजिद खानसोबत झालेल्या भांडणाचा केला खुलासा

Esha Gupta And Sajid Khan : साजिद खानच्या 'हमशकल्स' चित्रपटादरम्यान झालेल्या वादाचा खुलासा ईशा गुप्ताने केला आहे. तिने सांगितले की साजिदच्या गैरवर्तनामुळे त्यांच्यात भांडण झाले होते, त्यानंतर हे नाते सामान्य राहिले नाही.

अभिनेत्री ईशा गुप्ता(Esha Gupta)ने साजिद खान(Sajid Khan)च्या 'हमशकल्स' चित्रपटात काम केले होते. पण तिचे चित्रपट निर्मात्याशी भांडण झाले. तिने एका मुलाखतीत याबद्दल सांगितले. यादरम्यान तिने असेही म्हटले की ती अपमान सहन करु शकत नाही. साजिदने तिच्याशी कोणतेही कारण नसताना गैरवर्तन केले, जे तिला आवडले नाही आणि तिनेही त्याला शिवीगाळ करून उत्तर दिले. ईशाने सांगितले की चित्रपटाच्या सेटवरील वातावरण खूप वाईट होते. साजिदशी झालेल्या भांडणानंतर त्यांचे नाते पूर्वीसारखे राहिले नाही.

ईशा गुप्ताने एका मुलाखतीत सिद्धार्थ कन्ननला साजिद खानसोबतच्या तिच्या भांडणाबद्दल सांगितले की, ''माझं भांडण झालं होतं. साजिद खान आणि मी अजिबात सारखे नव्हतो. आमच्यात खूप भांडण झालं. ते फक्त एकदाच घडलं आणि त्यानंतर सगळं बदललं. मला लोक मला शिवीगाळ करतात हे आवडत नाही. तुम्ही नेहमी लोकांशी तसंच वागलं पाहिजे जसं तुम्हाला वाटतं त्यांनी तुमच्याशी वागावं. त्याने मला शिवीगाळ केली... मग मीही त्याला शिवीगाळ केली.''

ईशाने साजिदला केले नाही माफ
जेव्हा ईशा गुप्ताला विचारण्यात आले की, त्यांच्या भांडणाचे कारण काय आहे, तेव्हा ती म्हणाली, ''काही लोक बोलण्यापूर्वी विचार करत नाहीत. ते वैतागलेले आहेत. मी त्याबद्दल बोलू इच्छित नाही कारण मी त्या सर्व गोष्टींपासून पुढे गेली आहे.'' यादरम्यान, अभिनेत्रीने असेही सांगितले की या भांडणाचा तिच्या कामावर कोणताही परिणाम झाला नाही. पण ती सेटवरून निघून गेली. ती म्हणाली, ''मी सेटवरून निघून गेली. मी त्याच कपड्यांमध्ये गाडीत बसले आणि घरी गेले. मी तिथे थांबलेच नाही. मी चित्रपट सोडण्याचा निर्णयही घेतला होता. पण निर्माता वाशु भगनानी आणि सहयोगी निर्मात्याने साजिदच्या आधी फोन करून माफी मागितली.''