मुलगा यशवर्धनच्या करिअरसाठी काहीच केलं नाही? पत्नीच्या आरोपावर गोविंदा म्हणाला, "राजकारण..."

मुलाच्या करिअरसाठी काहीच केलं नाही..., पत्नीने लावलेला आरोप

अभिनेता गोविंदा आणि त्याची पत्नी सुनीता आहुजा यांच्यातील कौटुंबिक कलह काही दिवसांपासून सोशल मीडियावर चांगलाच चर्चेत आला आहे. सुनीता आहुजाने मागील काही मुलाखतींमध्ये गोविंदावर गंभीर आरोप केले असून, यामुळे चाहत्यांमध्ये मोठी खळबळ उडाली आहे. विशेषतः मुलगा यशवर्धनच्या करिअरवरून दोघांमध्ये शाब्दिक युद्ध रंगल्याचे पाहायला मिळत आहे. लेकाच्या करिअरसाठी गोविंदाने काहीच केले नाही असं ती म्हणाली. लेकाच्या करिअरवरुन आता गोविंदाने उत्तर दिलं आहे.

एएनआयला दिलेल्या मुलाखतीत गोविंदा म्हणाला, "माझ्या राजकीय प्रवासाचा मुलांच्या भविष्यावर वाईट परिणाम होऊ नये, म्हणूनच मी राजकारण सोडले होते. यशवर्धसाठी मी साजिद नाडियाडवालाशी बोलून यशला फिल्ममेकिंगचे बारकावे शिकण्यासाठी मार्गदर्शन मिळवून दिले होते. मुलाला चित्रपटसृष्टीतील कामाचा अनुभव मिळावा यासाठी मीही प्रयत्न केला."

नव्या चित्रपटाची चर्चा आणि भविष्यातील वाटचाल एकीकडे पती-पत्नीमधील हा वाद चर्चेत असतानाच, यशवर्धन आहुजाच्या बॉलिवूडमधील पदार्पणाबाबत सकारात्मक बातम्या समोर येत आहेत. मिळालेल्या माहितीनुसार, दिग्दर्शक साजिद खान आपल्या आगामी चित्रपटात यशवर्धनला मुख्य भूमिकेत घेण्याची शक्यता आहे. सुनीताने गोविंदाच्या आजूबाजूच्या लोकांवरही टीका केली असून, त्यांच्यामुळे गोविंदाचे करिअर खराब झाल्याचे म्हटले आहे. आता या वादावर पडदा पडणार की हे आरोप-प्रत्यारोप सुरूच राहणार, याकडे सर्वांचे लक्ष लागले आहे.