बॉलिवूडचे प्रसिद्ध सिनेमॅटोग्राफर जॉनी लाल यांचे कोरोनाने निधन, हळहळले बॉलिवूडकर

बॉलिवूडचे प्रसिद्ध सिनेमॅटोग्राफर जॉनी लाल यांचे कोरोनामुळे निधन झाले. मुंबईतील राहत्या घरी त्यांनी शेवटचा श्वास घेतला. गेल्या दोन आठवड्यांपासून ते कोरोनाने पीडित होते. मात्र अखेर आज त्यांची प्राणज्योत मालवली. त्यांच्या निधनाने बॉलिवूडवर शोककळा पसरली असून कलाकारांनी त्यांना श्रद्धांजली वाहिली आहे.

एका चित्रपटाच्या शूटिंगदरम्यान जॉनी लाल यांना कोरोनाची लागण झाली होती. ते घरीच विलगिकरणामध्ये राहून उपचार घेत होते. तब्येत खराब झाल्यामुळे त्यांना तातडीने कूपर रुग्णालयात दाखल करण्यात आले, मात्र डॉक्टरांनी उपचापूर्वीच त्यांना मृत घोषित केले.

जॉली लाल यांनी 'रहना है तेरे दिल में' आणि 'मुझे कुछ कहना है' यासारख्या अनेक बॉलिवूड चित्रपटासाठी काम केले होते. त्यांच्या निधनाचे वृत्त कळताच अभिनेता आर. माधवन, तुषार कपूर याने सोशल मीडियावर पोस्ट शेअर करत त्यांना श्रद्धांजली वाहिली आहे.

The Saga of tragedies continues & we lost a wonderful man-The DOP of RHTDM. RIP Johny Lal sir.Your gentleness,kindness and brilliance will be so missed. You so beautifully managed to bring out our souls in RHTDM & now yours makes its way to the heavens. Heartbroken and aghast.🙏 pic.twitter.com/301Jj59uMA

— Ranganathan Madhavan (@ActorMadhavan) April 22, 2021

आर. माधवनने ट्विट केले की, 'विघ्न सुरुच असून 'रहना है तेरे दिल में' या चित्रपटाचे डीओपी (कॅमेरामन) जॉनी लाल यांचे निधन झाले आहे. तुम्ही एक अद्भूत व्यक्ती होतात. RIP सर. तुमचा विनम्र स्वभाव, दयाळूपणा आणि प्रतिभा नेहमीच आठवणीत राहील'.

RIP Johnny sir! Thank you for making #mujhekucchkehnahai look like the way it did, fresh even today! Thank you for making my rawness and imperfection, look natural and youthful, during the filming of my 1st film! #prayers#kindsoul💙 #gorgeouscinematographypic.twitter.com/hUdyZ3Eo1B

— Tusshar (@TusshKapoor) April 22, 2021

तर तुषार कपूरने ट्विटमध्ये लिहिले की, 'RIP जॉनी सर! 'मुझे कुछ कहना है' या चित्रपटाला तुम्ही अशा पद्धतीने शूट केले की तो आजही एकदम फ्रेश वाटतो. माझ्या पहिल्या चित्रपटाला एक सुंदर, तरुण, नैसर्गिक लूक देण्यासाठी खूप खूप धन्यवाद'.