प्रेक्षकांच्या भेटीला ‘अण्णा : किसन बाबूराव हजारे’ सज्ज !

/>ज्येष्ठ समाजसेवक व प्रसिध्द गांधीवादी नेते अण्णा हजारे यांच्या जीवनावर आधारित 'अण्णा : किसन बाबूराव हजारे' हा चित्रपट १४ आॅक्टोबर रोजी प्रदर्शित होणार आहे. राळेगणसिध्दी, दिल्ली, मुंबई, जम्मू आणि काश्मिर, लेह, लदाख आणि राजस्थान येथे या चित्रपटाचे शूटींग पार पडले होते. १५ सप्टेंबर रोजी या चित्रपटाचा टीझर प्रदर्शित होणार आहे. 'द कपील शर्मा शो', 'तारक मेहता का उलटा चष्मा' आणि इतर काही शोमध्ये अण्णा हजारेंच्या उपस्थितीत हा टीझर प्रदर्शित होईल, असे चित्रपटाचे निर्माता महिंद्र जैन यांनी सांगितले.
या चित्रपटाचे दिग्दर्शन शशांक उदापूरकर यांनी केले असून अण्णा हजारेंची भूमिकाही त्यांनीच साकारली आहे. अभिनेत्री तनिषा मुखर्जी  यात महिला पत्रकाराची भूमिका केलीय.
चित्रपटाची कथा अण्णांच्या लहानपणापासून सुरुवात होते. त्यानंतर त्यांचे सैन्यात भरती होणे, आत्महत्येचा प्रयत्न, त्यानंतरचा जीवनसंघर्ष, राणेगळसिध्दीत केलेला सामाजिक बदल, भ्रष्टाचार विरुध्दचा लढा अशा अनेक गोष्टींचा समावेश चित्रपटात असल्याचे निर्माता जैन यांनी सांगितले.

Web Title: 'Anna: Kisan Baburao Hazare' ready for audience meeting!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.