अमिषाने रणबीरला डेट करत असल्याच्या चर्चेवर सोडलं मौन, म्हणाली - "आम्ही कित्येक पार्ट्यांमध्ये..."

Ameesha Patel : अभिनेत्री अमिषा पटेल अद्याप सिंगल आहे पण तिचे नाव अनेक सेलिब्रेटींशी जोडले गेले.

अभिनेत्री अमिषा पटेल(Ameesha Patel)ने हृतिक रोशनसोबत 'कहो ना... प्यार है' या चित्रपटातून पदार्पण केले आणि रातोरात लोकप्रिय झाली. त्यानंतर तिने 'गदर: एक प्रेम कथा', 'जमीर: द फायर विदिन' आणि 'ये है जलवा' यासारख्या अनेक हिट चित्रपटांमध्ये काम केले. तिच्या कामामुळे ती जितकी चर्चेत आली तितकीच ती तिच्या अफेयर्समुळेही चर्चेत राहिली. अलिकडेच रणबीर कपूर आणि प्रीती झिंटाचा एक्स बॉयफ्रेंड आणि बिझनेसमन नेस वाडियासोबत तिचे नाव जोडले गेल्याच्या बातम्या आल्या होत्या. अलिकडेच अमिषा पटेलने तिच्याबद्दल इतक्या दिवसांपासून सुरू असलेल्या अफवांवर मौन सोडले.

नेस वाडियासोबतच्या अफेयर्सच्या चर्चेवर अमिषा म्हणाली की, "नेस आणि मी तीन पिढ्यांपासून कौटुंबिक मित्र आहोत. त्याचे आजोबा, माझे आई-बाबा आणि आता आम्ही सर्वजण एकाच साउथ बॉम्बे सर्कलमधले आहोत. नेस देखणा आणि पात्र असल्याने कदाचित या अफवा सुरू झाल्या असतील. लोकांनी फक्त असे गृहीत धरले की आम्ही जोडपे आहोत." नेससोबतची तिची मैत्री अजूनही कायम आहे हे स्पष्ट करताना अमिषा म्हणाली, "खरंतर, नेसच्या वडिलांमुळेच मी कॅथेड्रल स्कूलमध्ये गेलो. आमचे कुटुंब ख्रिसमसच्या सुट्टीसाठी एकत्र जायचे. आमचे बालपणीचे फोटो एकत्र आहेत." त्यांनी कधी डेटिंग केले आहे का असे विचारले असता, ती स्पष्टपणे म्हणाली, "नाही."

अमिषा जायची आरके बंगल्यावर 
अमिषाला रणबीर कपूरसोबतच्या तिच्या नात्याबद्दलही विचारण्यात आले. गदर २ मधील अभिनेत्रीने स्पष्ट केले की, हे सर्व तेव्हा सुरू झाले जेव्हा ते अनेकदा हाय-प्रोफाइल पार्ट्यांमध्ये एकत्र दिसायचे. अभिनेत्री म्हणाली, "एक वर्ष असे होते जेव्हा आम्ही अनेक पार्ट्या आणि कार्यक्रमांमध्ये एकत्र असायचो. कधी रणबीरच्या घरी, कधी आरके बंगल्यावर तर आमचा कॉमन मित्र सैफसोबत वर्ल्ड कप पाहायचो. त्यावेळचे अनेक फोटो व्हायरल झाले होते." तिने सांगितले की, केवळ रणबीर आणि तीच नाही तर त्यांच्या कुटुंबाचेही एकमेकांसोबत खूप चांगले संबंध होते. अमिषाने सांगितले की, राज कपूर यांनी माझ्या आजोबांच्या पार्थिवाला खांदा दिला होता.  ऋषी अंकल, बबिता जी, माझे आईवडील, ते सर्वजण त्यांच्या काळात एकमेकांचे चांगले मित्र होते. आम्ही कपूर कुटुंबाशी वर्षानुवर्षे जोडलेलो आहोत.

अफेयर्सच्या चर्चेवर अमिषा म्हणाली...
अमिषा म्हणाली की माझे नाव या लोकांशी जोडले गेले कारण ते सर्व गायक आणि देखणे होते. मात्र, ती कोणासोबतही रिलेशनशीपमध्ये नव्हते. अभिनेत्री म्हणाली की ही चांगली गोष्ट आहे की माझे नाव ज्या लोकांशी जोडले गेले ते सर्व चांगले लोक आहेत.