भगतसिंगची भूमिका केलेले अभिनेते

/>
भारतीय स्वातंत्र्यलढ्यात भगतसिंग, राजगुरु, सुखदेव आदी क्रांतिकारकांचे मोठे योगदान आहे. त्यामुळे त्यांच्यावर आतापर्यंत अनेक चित्रपट व पुस्तकेही आलेले आहेत. यामध्ये भगतसिंगची भूमिका साकारलेले वेगवेगळ्या चित्रपटात अनेक अभिनेते आहेत. त्याची ही माहिती खास आपल्यासाठी...

अजय देवगन :




‘द लेजेंड आॅफ भगत सिंह’ हा चित्रपट भगतसिंगच्या जीवनावर आधारित असून, २००२ मध्ये तो प्रदर्शित झाला होता. अजय देवगनने यामध्ये  भगतसिंगची भूमिका केलेली आहे. राजकुमारी संतोषी हे या चित्रपटाचे निर्माते आहेत. या चित्रपटाला दोन राष्ट्रीय पुरस्कारही मिळालेले आहेत. भारतीय स्वातंत्र्य लढ्यावर हा चित्रपट आधारित आहे. यामध्ये अजय बरोबरच सुशांत सिंग, अखिलेंद्र मिश्रा, राजब्बर, फरीदा जलील, अमृता राव, मुकेश तिवारी, सुरेंद्र राजन, स्वरुप कुमार, अरुण पटवर्धन व अबीर गोस्वामी यांनीही भूमिका केलेली आहे. बॉक्स आॅफिसवरही हा चित्रपट यशस्वी ठरला होता.

सोनू सूद : 




सुकूमार नायर दिग्दिर्शत ‘ शहीद-ए- आजम’ हा चित्रपट २००२ मध्ये  प्रदर्शित झाला होता. क्रांतिकारक भगतसिंगच्या जीवन कहाणीवर हा चित्रपट आधारित आहे. यामध्ये सोनू सूद या अभिनेत्याने भगतसिंगची भूमिका साकारली आहे. हा चित्रपट वादग्रस्तही राहीलेला आहे. यामध्ये चंद्रशेखरच्या भूमिकेत राज झुत्शि तर राजगुरुच्या भूमिकेत देव गिल होते.

मनोज कुमार :





१९६५ मध्ये  ‘शहीद’ हा चित्रपट प्रदर्शित झाला होता.यामध्ये भगतसिंगची भूमिका मनोजन कुमारने केलेली आहे.  भारतीय स्वातंत्र्य लढ्यावर  आधारित हा आतापर्यंतचा सर्वश्रेष्ठ चित्रपट आहे. यामध्ये निरुपा रॉय ही भगतसिंगची पत्नी दुर्गा भाभीच्या भूमिकेत आहे. कामिनी कौशल, प्रेम चोप्रा, अनंत मराठे, प्राण आदी कलाकार आहेत. या चित्रपटाला तेराव्या फिल्म अवॉर्डचा सर्वश्रेष्ठ पुरस्कारही मिळालेला आहे. यामध्ये  देशभक्तीपर सहा गाणी आहेत.

सिद्धार्थ नारायण :





साऊथचा चॉकलेट बॉय सिद्धार्थ नारायण याने सुद्धा ‘रंग दे बसंती’ या चित्रपटात भगतसिंगची भूमिका के लेली आहे. यामध्ये अमिर खान चंद्रशेखर आझादच्या तर अतुल कुलकर्णी हा रामप्रसाद बिस्मीलची भूमिका केलेली आहे.

बॉबी देओल :





२००२ मध्ये प्रदर्शित झालेला ‘२३ मार्च १९३१ : शहीद’ या चित्रपटातही बॉबी देओलने भगतसिंगची भूमिका साकारलेली आहे.  यामध्ये सनी देओल, अमृता सिंग, राहुल देव, विकी आहुजा, सुरेश ओबेरॉय आदींने काम केलेले आहे.



 

Web Title: Actors playing Bhagat Singh

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.