आमिर खानने सांगितलं जेन झीला का आवडतोय 'सैयारा'?, म्हणाला - "मला प्रत्येक प्रकारचे..."

'सैयारा' चित्रपटाला बॉक्स ऑफिसवर चांगला प्रतिसाद मिळतो आहे. त्यावर आता आमिर खानने यावर प्रतिक्रिया दिली आहे.

'सैयारा' (Saiyaara Movie) चित्रपटाला बॉक्स ऑफिसवर चांगला प्रतिसाद मिळतो आहे. त्यावर आता आमिर खान(Aamir Khan)ने यावर प्रतिक्रिया दिली आहे. अहान पांडे (Ahaan Pandey) आणि अनित पड्डा (Anita Padda) यांच्या या डेब्यू चित्रपटासाठी देशातील लोक वेडेपीसे का होत आहेत हे आमिर खानने सांगितले आहे. मोहित सुरी दिग्दर्शित 'सैयारा'ला तरुण प्रेक्षकांनी चांगला प्रतिसाद दिला आहे आणि आमिरला याचे आश्चर्य वाटत नाही. आमिरने अलीकडेच त्याच्या 'सितारे जमीन पर' चित्रपटाच्या एका कार्यक्रमात 'सैयारा'च्या लोकप्रियतेबद्दल बोलला आणि हा चित्रपट सर्वाधिक का पसंत केला जात आहे हे सांगितले.

आमिर म्हणाला, ''मला वाटते की वेगवेगळ्या पिढ्यांना कोणत्या प्रकारच्या कंटेंटमध्ये रस आहे यावर अवलंबून वेगवेगळ्या कंटेंटकडे वळतात. उदाहरणार्थ, तरुण प्रेक्षकांना 'सैयारा' आवडत आहे, जो खूप हिट आहे. प्रत्येक गटाची एक आवड असते. एक क्रिएटिव्ह व्यक्ती म्हणून, मला प्रत्येक प्रकारचा चित्रपट बनवायचा आहे.'' तो पुढे म्हणाला, ''मी तो जनरेशन झेडसाठी, तरुण पिढीसाठी आणि लोकांसाठी देखील सिनेमा बनवू शकतो आणि वेगवेगळे विषय निवडू शकतो. यामुळे मला असे करण्याचे स्वातंत्र्य मिळते.''

'सैयारा'ला जेन झीकडून मिळतोय जास्त प्रतिसाद
'सैयारा' प्रेक्षकांना खूप आवडत आहे आणि ज्यांनी हा चित्रपट पाहिला आहे ते त्याचे कौतुक करताना थकत नाहीत. 'सैयारा' बॉक्स ऑफिसवर विक्रमी कमाई करत आहे. जनरेशन झेड देखील खुल्या मनाने त्याचा स्वीकार करत आहे. अहान पांडे आणि अनित पड्डा यांचा हा पहिलाच चित्रपट आहे, परंतु क्रिश आणि वाणी म्हणून त्यांनी तरुण पिढीच्या मनात अशा प्रकारे प्रवेश केला आहे की त्यांच्या डोळ्यातून अश्रू आले आहेत. थिएटरमधून अनेक व्हिडीओ आले आहेत, ज्यामध्ये आजच्या तरुणांना 'सैयारा' पाहिल्यानंतर रडताना दिसले. 

'सैयारा'ने किती कमाई केली?
'सैयारा'च्या कलेक्शनबद्दल बोलायचं झालं तर, या चित्रपटाने १२ दिवसांत देशभरात २६६ कोटी रुपये कमावले आहेत आणि आतापर्यंत रणवीर सिंग, अजय देवगण, शाहरुख खान आणि रणबीर कपूर यांच्या 'द केरळ स्टोरी', 'जॅट' आणि विकी कौशलच्या 'उरी: द सर्जिकल स्ट्राईक' या चित्रपटांचे रेकॉर्ड मोडले आहेत.