​‘सध्या ती काय करत आहे’मधून अभिनय बेर्डेचे सिनेमात पदार्पण

ong>मराठी चित्रपटात लक्ष्मीकांत बेर्डे यांनी आपली खास ओळख निर्माण केली. आपल्या जबरदस्त कॉमिक टायमिंगमुळे त्याने मराठी चित्रपटातच नव्हे तर हिंदी चित्रपटांमध्येही यश मिळविले. मात्र लक्ष्मीकांतच्या निधनाने त्याचा हा प्रवास अधुरा राहिला असे वाटत असतानाच त्याचा वारसदार अभिनय बेर्डे लवकरच एका मराठी चित्रपटात दिसणार  आहे. ‘सध्या ती काय करत आहे’ असे या त्याच्या पदार्पणाच्या चित्रपटांचे नाव असून यात त्याने टीनएजर मुलाची भूमिका साकारली आहे. 

अभिनेता अंकुश चौधरी व आर्या आंबेकर यांची प्रमुख भूमिका असणाºया ‘ती सध्या काय करत आहे’ या चित्रपटात तो टीनएजर अंकुशची भूमिका साकारताना दिसेल. या चित्रपटाचा टीझर प्रदर्शित झाल्यावर अभिनय बेर्डे यात महत्त्वाची भूमिका साकारत असल्याचे समोर आले आहे. आई-वडिलांचा वारसा अभिनय पुढे नेणार असल्याचे संके त मिळण्यास या टीझरच्या निमित्ताने समोर आले आहे. 

दिवंगत अभिनेता लक्ष्मीकांत बेर्डे व प्रिया बेर्डे यांचा मोठा मुलगा अभिनय सध्या विविध एकांकीका स्पर्धांमधून नाट्य क्षेत्रात आपली ओळख निर्माण करण्याचा प्रयत्न करीत आहे. त्याने अनेक एकांकिका स्पर्धांचे विजेतेपद मिळविले आहे. तो स्वत:च्या बळावर सिनेमात आपले स्थान निर्माण करू पाहतोय. ‘ती सध्या काय करत आहे’ या चित्रपटात अंकुश चौधरी, आर्या आंबेकर यांच्यादेखील प्रमुख भूमिका आहेत.

Web Title: Acting debut in acting debut from 'What She's Doing'

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.