मुंबईतील वानखेडेच्या मैदानातील पंजाब किंग्स विरुद्धच्या सामन्यात मुंबई इंडियन्सचा संघ रोहित शर्माशिवाय मैदानात उतरला आहे. सलामीवीराच्या रुपात हिटमॅनच्या जागी क्विंटन डीकॉकला संधी देण्यात आली. याशिवाय MI च्या संघात आणखी एक मोठा बदल करण्यात आला. मिचेल सँटनरच्या जागी युवा भारतीय अनकॅप्ड मयांक रावत याला मुंबई इंडियन्सच्या संघाने पदार्पणाची संधी दिली आहे.
'लोकमत'चं WhatsApp चॅनल फॉलो करा!
कोण आहे मयांक रावत? एका ओव्हरमध्ये स्टार झालेल्या हिरोला MI नं दिली संधी
Who Is Mayank Rawat Delhi All-Rounder Makes Mumbai Indians Debut : दिल्लीमध्ये जन्मलेला मयांक रावत हा हा उजव्या हाताने फलंदाजी करणारा खेळाडू असून तो उजव्या हाताने ऑफ-स्पिन गोलंदाजीही करू शकतो. तो १९ वर्षांखालील भारतीय संघाचाही भाग राहिला आहे. ऑलराउंड क्षमतेमुळे तो संघासाठी फलंदाजी आणि गोलंदाजीमध्ये उपयुक्त ठरू शकतो. दिल्लीच्या या युवा पठ्ठ्यानं दिल्ली प्रिमियर लीगमध्ये एका षटकात पाच षटकार मारून मैफील लुटली होती. याच स्पर्धेतून तो प्रकाश झोतात आला.
Khaleel Ahmed Replacement : नाशिकच्या पठ्ठ्यासह CSK कडे ३ पर्याय; ऋतुराज कोणाला देणार संधी?
एका षटकात ५ षटकार, मग MI नं खेळला ३० लाखांचा डाव
२०२४-२५ च्या हंगामात मयांक रावत हा दिल्लीच्या संघाकडून रणजी ट्राफी स्पर्धेतही खेळला आहे. पण लोकल दिल्ली प्रिमियर लीग स्पर्धेतील कामगिरीमुळे तो प्रकाश झोतात आला. ईस्ट दिल्ली रायडर्सच्या संघाकडून खेळताना त्याने साउथ दिल्ली सुपरस्टार्सचा कर्णधार आणि IPL मधील लोकप्रिय चेहरा आयुष बडोनीच्या एका षटकात ५ षटकार मारले होते. मिनी लिलावात मुंबई इंडियन्सच्या संघाने या खेळाडूला ३० लाख या मूळ किंमतीसह आपल्या ताफ्यात सामील करून घेतले होते.
