T20 World Cup, BAN vs SCO : स्कॉटलंडचे दोघे बांगलादेशवर भारी पडले; Shakib Al Hasan यानं मोडला लसिथ मलिंगाचा मोठा विक्रम

T20 World Cup, BANGLADESH V SCOTLAND : बांगलादेशनं Round 1 च्या पहिल्याच सामन्यात स्कॉटलंडच्या धावांना लगाम लावली, पण त्यांचे दोन फलंदाज संपूर्ण संघावर भारी पडले.

By ऑनलाइन लोकमत | Published: October 17, 2021 09:41 PM2021-10-17T21:41:19+5:302021-10-17T21:42:06+5:30

T20 World Cup, BAN vs SCO : Shakib Al Hasan created history, he becomes leading wicket-taker in men's T20Is; SCO 140/9 | T20 World Cup, BAN vs SCO : स्कॉटलंडचे दोघे बांगलादेशवर भारी पडले; Shakib Al Hasan यानं मोडला लसिथ मलिंगाचा मोठा विक्रम

T20 World Cup, BAN vs SCO : स्कॉटलंडचे दोघे बांगलादेशवर भारी पडले; Shakib Al Hasan यानं मोडला लसिथ मलिंगाचा मोठा विक्रम

Next

T20 World Cup, BANGLADESH V SCOTLAND : बांगलादेशनं Round 1 च्या पहिल्याच सामन्यात स्कॉटलंडच्या धावांना लगाम लावली. स्कॉटलंडच्या ख्रिस ग्रेव्हेस आणि मार्क वॅट वगळता अन्य फलंदाजांनी बांगलादेशच्या गोलंदाजांसमोर शरणागती पत्करली. तरीही स्कॉटलंडनं ६ बाद ५३ धावा अशा अवस्थेतून सन्मानजनक धावसंख्या उभारली. या सामन्यात शाकिब अल हसननं ( Shakib Al Hasan ) दोन विकेट्स घेत मोठ्या पराक्रम केला. त्यानं श्रीलंकेचा दिग्गज गोलंदाज लसिथ मलिंगा याचा भारी विक्रम मोडला.

बांगलादेशनं नाणेफेक जिंकून स्कॉटलंडला प्रथम फलंदाजीला बोलावलं. कायले कोएत्झर ( ०), मॅथ्यू क्रॉस ( ११), रिची बरींग्टन ( २), कॅलम मॅकलीओड ( ५), मिचेल लिस्क ( ०) व सलामीवीर जॉर्ज मुन्सी ( २९) हे धावफलकावर ५३ धावा असताना माघारी परतले. या सहा विकेट्समध्ये मेहदी हसननं ( ३-१९) आणि शाकिब अल हसननं ( २-१७) मिळून पाच विकेट्स घेतल्या. ख्रिस ग्रेव्हेस आणि मार्क वॅट यांनी सातव्या विकेटसाठी अर्धशतकी भागीदारी करून स्कॉटलंडला शतकी पल्ला पार करून दिला. वॅट २२ धावांवर माघारी परतला, परंतु ग्रेव्हेसनं २८ चेंडूंत ४ चौकार व २ षटकारांसह ४५ धावा कुटल्या. स्कॉटलंडनं २० षटकांत ९ बाद १४० धावा उभ्या केल्या.

शाकिब अल हसनचा मोठा विक्रम
शाकिबनं आजच्या सामन्यात दोन विकेट्स घेताच आंतरराष्ट्रीय ट्वेंटी-२० क्रिकेटमध्ये सर्वाधिक विकेट्सचा विक्रम त्याच्या नावावर नोंदवला गेला. त्यानं श्रीलंकेच्या लसिथ मलिंगाचा १०७ विकेट्सचा विक्रम मोडला. शाकिबनं ८९ सामन्यांत १०८ विकेट्स घेतल्या आहेत.

Web Title: T20 World Cup, BAN vs SCO : Shakib Al Hasan created history, he becomes leading wicket-taker in men's T20Is; SCO 140/9

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app