तुला जयललितांची भूमिका मिळालीच कशी? कंगना राणौतवर बरसली साऊथची ही अभिनेत्री

जाणून घ्या कोण आहे कंगनावर आरोप करणारी अभिनेत्री?

ठळक मुद्देमीरा मिथून साऊथची एक लोकप्रिय अभिनेत्री आहे. अभिनेत्री असण्यासोबतच ती एक नृत्यांगणा, उद्योजिका व राजकीय कार्यकर्तीदेखील आहे.

अभिनेता सुशांत सिंह राजपुतच्या आत्महत्येनंतर बॉलिवूडमधील नेपोटिझमचा मुद्दा पुन्हा ऐरणीवर आला आहे. सुशांतच्या मृत्यूनंतर सर्वप्रथम अभिनेत्री कंगना राणौतने नेपोटिजमचा मुद्दा उपस्थित केला होता. सुशांतने आत्महत्या केली नाही तर तो नेपोटिजमचा बळी ठरला, असा जाहीर आरोप कंगनाने केला होता. याआधीही अनेकदा कंगना नेपोटिजमवर बोलली आहे. करण जोहरला ‘मुव्ही माफिया’ म्हणत तिने बॉलिवूडच्या अनेक स्टारकिड्सवर तोंडसुख घेतले आहे. पण आता नेपोटिजमविरोधात गळा काढणा-या याच कंगनावरच राजकारण केल्याचा आरोप होत आहे. ही आरोप करणारी कोण तर साऊथ अभिनेत्री मीरा मिथून.

Nepotism Achiever is Me here. What qualities do you have to portray the role of a legend CM of my state TN @thekangana , Kollywd politics to bring U do the role of CM, Shame On you to accept to do such a legendary Educated Bold lady of no match to you, Shame for MyLateBelovedCM

— Meera Mitun (@meera_mitun) June 28, 2020

मीराने कंगनावर परखड टीका केली आहे. ‘राजकारण’ केल्याशिवाय तुला ‘थलाइवी’ सिनेमा कसा मिळाला? असा सवाल तिने केला आहे. ‘घराणेशाहीचा खरा अन्याय तुझ्यावर (कंगना) नाही तर माझ्यावर झाला आहे. कंगना तुझ्यात अशी कुठली प्रतिभा आहे की, आमच्या तामिळनाडूच्या महान मुख्यमंत्री जयललिता यांची भूमिका तुला मिळावी? कॉलिवूडमधील राजकारणामुळेच तुझ्या पदरात ही भूमिका पडली. लाज वाटते की, तुझ्यासारखी अभिनेत्री जयललितांसारख्या महान, सुशिक्षित आणि जिगरबाज महिलेची भूमिका करतेय. ज्या भूमिकेत तू अजिबात फिट बसत नाही,’ असे मीराने तिच्या ट्विटमध्ये म्हटले आहे.

Who talks about Nepotism Sigh @thekangana Am the most popular achiever from TN, also who had boldly voiced out for my state, for my motherland India on every current affairs, also stood strongly for all injustice thrown over me by male chauvenistic Kollywood Clout !!!

— Meera Mitun (@meera_mitun) June 28, 2020

  
मीरा मिथून साऊथची एक लोकप्रिय अभिनेत्री आहे. अभिनेत्री असण्यासोबतच ती एक नृत्यांगणा, उद्योजिका व राजकीय कार्यकर्तीदेखील आहे. 2017 साली ‘थोताक्कल’ या चित्रपटातून तिने साऊथ इंडस्ट्रीत डेब्यू केला होता. ‘थाना सेरंधा खुथ्थम’ या चित्रपटातही ती   बिग बॉस तमिळ या रिअ‍ॅलिटी शोच्या तिस-या सीझनमध्ये ती स्पर्धक म्हणून सहभागी झाली होती. या शोमुळे ती अचानक प्रकाशझोतात आली होती.