अहिल्यानगरमध्ये राष्ट्रवादीच्या ज्योती गाडे महापौर तर भाजपचे धनंजय जाधव उपमहापौरपदी 

Ahilyanagar Mayor Election: अहिल्यानगर शहराच्या महापौरपदी राष्ट्रवादीच्या ज्योती गाडे तर उपमहापौरपदी भाजपचे धनंजय जाधव यांची निवड झाली आहे.

अहिल्यानगर - अहिल्यानगर शहराच्या महापौरपदी राष्ट्रवादीच्या ज्योती गाडे तर उपमहापौरपदी भाजपचे धनंजय जाधव यांची निवड झाली आहे. जिल्हाधिकारी डॉ. पंकज आशिया यांच्या अध्यक्षतेखाली महानगरपालिकेची विशेष सभा झाली. महापौर -उपमहापौर पदासाठी एकच अर्ज असल्याने दोघांची निवड बिनविरोध झाली. अवघ्या पाचच मिनिटात सभेचे कामकाज संपले.

ज्योती गाडे या दिवंगत भाजप आमदार शिवाजी कर्डिले यांच्या कन्या तर राष्ट्रवादी (अजित पवार) पक्षाचे आमदार संग्राम जगताप यांच्या मेव्हणी आहेत. धनंजय जाधव हे पालकमंत्री राधाकृष्ण विखे पाटील यांचे समर्थक आहेत. तब्बल दोन वर्षांनी महापालिकेतील प्रशासक राज अखेर संपुष्टात आले.