Budget 2026 Latest Marathi News | अर्थसंकल्प २०२६-२७ मराठी बातम्या | Union Budget 2026 Date | Union Budget 2026 Income Tax | Budget 2026 For Salaried | Union Budget Of India 2026 | FM Nrmala Sitharaman

नवी दिल्ली - केंद्रीय अर्थमंत्री निर्मला सीतारामन सकाळी अकरा वाजता संसदेत अर्थसंकल्प (Union Budget 2021-22) सादर करणार आहेत. रोजगारनिर्मितीला चालना देण्याबरोबरच सामान्यांना प्राप्तिकरात सवलती, ग्रामीण अर्थव्यवस्थेला बळ, आरोग्य क्षेत्राला उभारी, उद्योगांना भरघोस सवलती इत्यादींसाठी सर्वंकष तरतुदी करण्याची आवश्यकता भासणार असून आज सादर होणाऱ्या केंद्रीय अर्थसंकल्पाकडून याच अपेक्षा असतील. टाळेबंदीने आक्रसलेला रोजगाराचा बाजार आर्थिक लसीच्या प्रतीक्षेत आहे. ग्रामीण अर्थव्यवस्थेला नवसंजीवनीची अपेक्षा आहे. आरोग्य क्षेत्रही बूस्टरच्या अपेक्षेत आहे. तर उद्योगांना सवलतींची आवश्यकता आहे. इंधनदर रोज नवे विक्रम स्थापित करत असल्याने महागाईने मेटाकुटीला आलेल्या जनतेला अर्थसंकल्पाकडून मोठ्या अपेक्षा आहेत. याच दरम्यान अर्थ राज्यमंत्री अनुराग ठाकूर (Anurag Thakur) यांनी प्रतिक्रिया दिली आहे. अनुराग ठाकूर यांनी सर्व सामान्यांच्या अपेक्षा पूर्ण करणारा अर्थसंकल्प असेल असं म्हटलं आहे. संसदेत आज अर्थसंकल्प सादर करण्यापूर्वी ठाकूर यांनी आपल्या घरी पूजा-अर्चना केली आहे. तसेच "सर्व सामान्यांच्या अपेक्षा पूर्ण करणारा अर्थसंकल्प असेल. 'सबका साथ, सब विकास, सबका विश्वास' या मोदींच्या घोषवाक्यावर सरकारने आत्मनिर्भर पॅकेजची घोषणा केली होती. भारताला कोरोना संकटातून वाचवण्यासाठी तसेच अर्थव्यवस्थेला तेजीने रुळावर आणण्यासाठी नवी दिशा देण्यात आली" असं अनुराग ठाकूर यांनी म्हटलं आहे. बजेटच्या दिवसाची सुरुवात गोड; सेन्सेक्स ४४३ अंकांनी वधारलादेशाचा अर्थसंकल्प आज संसदेच्या पटलावर ठेवण्यात येणार आहे. या पार्श्वभूमीवर शेअर बाजारात चांगलं वातावरण पाहायला मिळत आहे. बाजार उघडाच सेन्सेक्सने ( Sensex ) ४४३ अंकांची उसळी घेतली आहे. तर निफ्टीनंही ( nifty ) ११४ अंकाची वाढ नोंदवली आहे. शेअर बाजाराचे व्यवहार सुरु होताच सकाळच्या सत्रात सेन्सेक्स ४४३ अंकांच्या वाढीसह ४६,७२८ अंकांसह सुरू झाला आहे. तर निफ्टी ११४.८५ अंकांच्या वाढीसह १३,७४९.४५ वर उघडला आहे. दरम्यान, शुक्रवारी 'बीएसई'च्या ३० शेअरवर आधारित प्रमुख सेन्सेक्स २,५९२.७७ अंक म्हणजेच ५.३० टक्क्यांनी घसरून ४५,२८५.७७ वर बंद झाला होता. तर 'एनएसई'च्या ५० शेअरवर आधारित प्रमुख निफ्टीही मागच्या आठवड्याच्या तुलनेत ७३७.३० अंकांनी म्हणजेच ५.१३ टक्क्यांनी घसरून १३,६३४.६० वर बंद झाला. या महिन्यात ऐतिहासिक उच्चांकापर्यंत पोहोचल्यानंतर सेन्सेक्स जवळपास ४,००० अंकांनी कमी झाल्याचं पाहायला मिळालं होतं. तर निफ्टीत १,००० अंकांची घसरण झाली होती.

Budget 2026 Latest news in Marathi | अर्थसंकल्प २०२६ मराठी बातम्याFOLLOW

Budget, Latest Marathi News

महाराष्ट्र :"आत्मनिर्भर भारत म्हणून सादर केलेला अर्थसंकल्प प्रत्यक्षात.."; अमोल कोल्हेंची 'खास'प्रतिक्रिया

तामिळनाडू, पश्चिम बंगाल, केरळ व आसाम या राज्यातील विधानसभा निवडणुका डोळ्यासमोर ठेवून अर्थसंकल्प ...

व्यापार :Budget 2021: सरकारनं लडाखसाठी उघडला पेटारा, जम्मू-काश्मीरसाठीही केली खास घोषणा

व्यापार :Budget 2021, Costly vs Cheap Live : काय झालं स्वस्त? काय महाग?

Budget 2021 Costly vs Cheap : नेमकं काय स्वस्त होणार? आणि काय महागणार? हे जाणून घेऊयात... ...

राष्ट्रीय :Budget 2021, Agriculture : 'मोदी सरकार शेतकऱ्यांच्या हितासाठी वचनबद्ध, गहू उत्पादकांना ७५,०६० कोटींची मदत!'

राष्ट्रीय :Budget 2021: बजेटबद्दल या गोष्टी माहिती आहेत का? प्रत्येकाने नक्की जाणून घ्याव्यात...

व्यापार :Budget 2021: 'या' नेत्याच्या नावावर आहे भारताचा सर्वाधिक अर्थसंकल्प सादर करण्याचा विक्रम!

सर्वाधिक चार वेळा अर्थमंत्री असलेले पी. चिदंबरम यांनी संसदेत एकूण 8 अर्थसंकल्प सादर केले आहेत ...

राष्ट्रीय :Budget 2021 : "सर्व सामान्यांच्या अपेक्षा पूर्ण करणारा अर्थसंकल्प असेल"

व्यापार :Budget 2021| आज अर्थसंकल्पासह होणार हे 5 मोठे बदल, तुमच्यावर होणार थेट परिणाम

Five Big changes from 1st february about budget e- catering, LPG Gas, pnb banking rules : ...