पोळ्या किंवा चपाती हा जवळपास सगळ्याच घरांमध्ये अगदी रोजच लागणारा पदार्थ. पोळ्या किंवा चपाती नाही केल्या तर किमान पराठे, भाकरी असे पदार्थ तरी केले जातातच. पण बऱ्याच जणींना अशी अडचणी येते की त्यांना पोळ्या छान गोलाकार येत नाहीत. त्यांनी केलेल्या पोळ्यांना खूप वेगवेगळे आकार येतात. अशा पोळ्या पाहुण्यांना वाढायला बऱ्याचदा अवघडल्यासारखे वाटते. म्हणूनच परफेक्ट गोल आकाराच्या पोळ्या करायच्या असतील तर त्यासाठी नेमकं काय करावं ते पाहुया...(How to Make Perfect Round Shape Chapati?)
परफेक्ट गोल आकाराच्या पोळ्या कशा लाटायच्या?
सगळ्यात पहिली गोष्ट म्हणजे पोळ्या करण्यासाठी कणिक अतिशय उत्तम मळली गेली पाहिजे. यासाठी कणिक भिजवून झाल्यानंतर तिला तेल लावा आणि ती चांगली ५ ते ७ मिनिटे मळून घ्या.
त्यानंतर कणकेवर झाकण ठेवा आणि ती १० ते १२ मिनिटे झाकून ठेवा. यामुळे कणिक चांगली भिजते आणि पोळी छान पसरत जाते, मऊ होते.
आता सुरुवातीला परफेक्ट गोल आकाराच्या पोळ्या जमत नसतील तर पुरीसाठी घेतो त्यापेक्षा अगदी थोडासाच मोठ्या आकाराचा कणकेचा गोळा घ्या त्याला दोन्ही हातांनी गोल गोल वळून छान गोल आकार द्या.
दुपारी जेवण झाल्यानंतर झोपण्याची योग्य पद्धत पाहा- हृदयावर ताण येणार नाही, पचनही चांगले होईल
आता त्या गोळ्याला दोन्ही बाजूंनी पीठ लावा आणि हळुवार दाब देत पोळी लाटून घ्या. पोळी लाटत असताना तिच्या काठांवर भर द्या. मध्यभागी जास्त जोरात लाटू नका. काठ हळूहळू लाटत गेलात की आपोआप पोळी पसरत जाऊन तिला गोल आकार येतो. काठाच्या प्रत्येक भागावर व्यवस्थित लाटलं जाईल याकडे लक्ष द्या.