पुणे मनपा निवडणूक निकाल २०२६: भाजप ४२ जागांवर आघाडीवर; राष्ट्रवादीची जोरदार टक्कर, पाहा ताजी आकडेवारी

PMC Election Result 2026 news: पुणे महानगरपालिका निवडणूक २०२६ चे सुरुवातीचे कल जाहीर. भाजपची मोठी मुसंडी, राष्ट्रवादी आघाडीचे कडवे आव्हान. पाहा प्रभागनिहाय विजयी उमेदवारांची यादी.

पुणे: पुणे महानगरपालिकेच्या १६५ जागांसाठी आज सकाळी १० वाजल्यापासून मतमोजणीला सुरुवात झाली आहे. टपाली मतपत्रिका आणि ईव्हीएमच्या पहिल्या काही फेऱ्यांनंतर समोर आलेल्या कलांनुसार, भाजपने पुण्यात आपले वर्चस्व राखल्याचे दिसत आहे. मात्र, दोन्ही राष्ट्रवादींच्या (अजित पवार आणि शरद पवार गट) युतीने भाजपला कडवे आव्हान दिले असून पुणे आणि पिंपरी-चिंचवडमध्ये चुरशीची लढत पाहायला मिळत आहे.

पक्ष / आघाडी	आघाडी (Trends)
भारतीय जनता पार्टी (BJP)	३२
राष्ट्रवादी काँग्रेस आघाडी (NCP Alliance)	१४
शिवसेना (शिंदे गट)	०२
भारतीय राष्ट्रीय काँग्रेस	०२
शिवसेना (उद्धव बाळासाहेब ठाकरे)	००
इतर / अपक्ष	००

भाजपची आघाडी: पुण्याच्या कोथरूड, पर्वती आणि शिवाजीनगर भागात भाजपने सुरुवातीच्या फेऱ्यांत आघाडी घेतली आहे.

राष्ट्रवादीचे आव्हान: हडपसर आणि वडगाव शेरी भागात राष्ट्रवादी काँग्रेसच्या उमेदवारांनी भाजपला मागे टाकले आहे.

शाई आणि ईव्हीएम वाद: काल मतदानादरम्यान शाई पुसली जात असल्याच्या तक्रारी आणि ईव्हीएमबाबत झालेले आरोप यामुळे आजच्या निकालाकडे सर्वांचे लक्ष लागले आहे.

पहिला निकाल: दुपारी १२ वाजेपर्यंत पहिला अधिकृत निकाल जाहीर होण्याची शक्यता प्रशासनाने वर्तवली आहे.