RLD चा NDA मध्ये समावेश, जयंत सिंह यांनी अमित शहा अन् जेपी नड्डा यांची भेट घेतली

राष्ट्रीय लोक दल (RLD) नेते जयंत सिंह यांनी शनिवारी केंद्रीय गृहमंत्री अमित शहा आणि भारतीय जनता पक्षाचे राष्ट्रीय अध्यक्ष जेपी नड्डा यांची भेट घेतली आणि सत्ताधारी राष्ट्रीय लोकशाही आघाडीत औपचारिकपणे सामील झाले. याबाबत जेपी नड्डा यांनी ट्विटवर माहिती दिली आहे. 

नड्डा यांनी ट्विट केले की, सिंह यांच्या एनडीएमध्ये सामील होण्याचे मी मनापासून स्वागत करतो आणि देशाच्या विकासाच्या प्रवासात ते महत्त्वपूर्ण योगदान देतील असा विश्वास त्यांनी व्यक्त केला.

नरेंद्र मोदी वाराणसीतून तर अमित शाह गांधीनगरमधून; भाजपच्या १९५ उमेदवारांची पहिली यादी जाहीर, महाराष्ट्रातून एकही नाही

जेपी नड्डा म्हणाले, 'यावेळी एनडीएचा आकडा ४०० ओलांडला आहे!' अलीकडेपर्यंत विरोधी आघाडी 'इंडिया'चा भाग असलेले जयंत सिंह पक्ष उत्तर प्रदेशातील लोकसभेच्या दोन जागांवर निवडणूक लढवू शकतात. जयंत चौधरी यांनी ट्विटरवर लिहिले, 'पीएम मोदींच्या नेतृत्वाखाली भारत विकास आणि गरीब कल्याणाचा समांतर साक्षीदार होत आहे! अमित शहा आणि जेपी नड्डा यांची भेट घेतली आणि एनडीएमध्ये जाण्याचा निर्णय घेतला. विकसित भारताचा संकल्प आणि यावेळी ४०० पार करण्याचा नारा पूर्ण करण्यासाठी एनडीए सज्ज आहे.

२०१८ च्या लोकसभा पोटनिवडणुकीपासून उत्तर प्रदेशमध्ये सपा आणि आरएलडीची युती होती. २०१९ च्या लोकसभा निवडणुकीत दोन्ही पक्षांनी युती करून निवडणूक लढवली होती.

या भेटीनंतर जेपी नड्डा यांनी ट्विटमध्ये म्हटले की, 'आज गृहमंत्री अमित शहा यांच्या उपस्थितीत आरएलडी पक्षाचे अध्यक्ष जयंत सिंह चौधरी यांची भेट घेतली. त्यांच्या NDA मध्ये सामील होण्याचे मी मनापासून स्वागत करतो. 'नरेंद्र मोदींच्या नेतृत्वाखाली विकसित भारताच्या प्रवासात आणि उत्तर प्रदेशच्या विकासात तुमचे महत्त्वाचे योगदान असेल.'यावेळी NDA ४०० पार करेल, असंही यात म्हटले आहे.

राष्ट्रीय लोकदल के अध्यक्ष श्री @jayantrld जी का एनडीए परिवार में स्वागत करता हूँ।

प्रधानमंत्री श्री @narendramodi जी की नीतियों में विश्वास प्रकट करते हुए उनके एनडीए में आने से किसान, गरीब और वंचित वर्ग के उत्थान के हमारे संकल्प को और बल मिलेगा।

आगामी लोकसभा चुनाव में एनडीए… pic.twitter.com/o6rjkiWId6

— Amit Shah (@AmitShah) March 2, 2024