अखेर 'महाराणी ४'ची प्रतीक्षा संपली, हुमा कुरेशीच्या दमदार वेब सीरिजचा ट्रेलर रिलीज!

'महाराणी ४' कधी प्रदर्शित होणार? जाणून घ्या...

Maharani Season 4 OTT Release Date :  पहिल्‍या तीन सीझनच्या भव्‍य यशानंतर सोनी लिव्‍हची बहुप्रतिक्षित 'महाराणी ४' लवकरच प्रेक्षकांच्या भेटीला येणार आहे. चौथ्या सीझनमध्ये आणखी मोठी आव्हानं आणि राजकीय गुंतागुंत पाहायला मिळणार आहे. या सीरिजमध्ये हुमा कुरेशी हिनं राणी भारतीची दमदार भूमिका साकारलेली आहे. निर्मात्यांनी आज गुरुवारी 'महाराणी ४' चा ट्रेलर आणि ओटीटी रिलीजची तारीख जाहीर केली आहे.

'महाराणी ४'च्या ट्रेलरमध्ये संसद, सत्ता सौदे आणि राजकीय युतींच्या खेळाची झलक स्पष्टपणे पाहायला मिळतेय.  यावेळी कथा केवळ बिहारच्या राजकारणापुरती मर्यादित नाही. यावेळी थेट दिल्लीचं राजकारण पाहायला मिळणार आहे. ट्रेलरमध्ये राणी भारती (हुमा कुरेशी) ही विपिन शर्मा यांनी साकारलेल्या पंतप्रधानांना खुले आव्हान देताना दिसते. ती म्हणते, "जर तुम्ही आमच्या शत्रूशी हातमिळवणी केली तर मी तुमचे सिंहासन हिसकावून घेईल". यावरून राणी आता राज्यांपुरती मर्यादित न राहता राष्ट्रीय राजकारणात प्रवेश करणार असल्याचे स्पष्ट होतं. त्यामुळे हा सीझन अधिक लक्षवेधक आणि रोमांचक असणार आहे. 

'महाराणी सीझन ४' हा ७ नोव्हेंबर २०२५ पासून सोनी लिव्ह (SonyLIV) या ओटीटी प्लॅटफॉर्मवर उपलब्ध होईल. या सीरिजमध्ये हुमा कुरेशीसोबत अमित सियाल, कनिकुश्रुती, विपिन शर्मा, विनीत कुमार आणि प्रमोद पाठक हे अनुभवी कलाकार या सीरिजमध्ये महत्त्वपूर्ण भूमिकेत आहेत. 'महाराणी सीझन ४'ची कथा तिथून सुरू होणार आहे, जिथे मागील सीझनची कथा संपली होती. 

The lioness returns to defend her home! Rani gears up for her biggest battle yet.#Maharani4 streaming from 7th Nov only on Sony LIV#MaharaniOnSonyLIVpic.twitter.com/Xzkt7owqrp

— Sony LIV International (@SonyLIVIntl) October 9, 2025