९ महिन्याच्या लेकाला घेऊन बीचवर गेली मराठी अभिनेत्री, शेअर केला क्यूट व्हिडीओ

नेहाचा लेक आता ९ महिन्यांचा झाला आहे. लेकाला घेऊन नेहा पहिल्यांदाच बीचवर गेली आहे. याचा क्यूट व्हिडीओ अभिनेत्रीने शेअर केला आहे. 

'मन उधाण वाऱ्याचे' या मालिकेतून घराघरात पोहोचलेली आणि प्रसिद्धी मिळवलेली अभिनेत्री नेहा गद्रे काही महिन्यांपूर्वीच आई झाली. फेब्रुवारी महिन्यात नेहाने तिच्या गोंडस बाळाला जन्म दिला. नेहाला पुत्ररत्नाची प्राप्ती झाली. नेहाचा लेक आता ९ महिन्यांचा झाला आहे. लेकाला घेऊन नेहा पहिल्यांदाच बीचवर गेली आहे. याचा क्यूट व्हिडीओ अभिनेत्रीने शेअर केला आहे. 

या व्हिडीओमध्ये दिसतंय की नेहा तिच्या चिमुकल्यासोबत बीचवर वेळ घालवत आहे. तर नेहाच्या मुलालाही समुद्राचं पाणी पायाला लागताच मजा येत असल्याचं व्हिडीओत पाहायला मिळत आहे. नेहासोबत तिचा नवराही व्हिडीओत दिसत आहे. हा क्यूट व्हिडिओ पाहून चाहत्यांनी नेहाच्या पोस्टवर कमेंट केल्या आहेत. नेहाने तिच्या लेकाचं नाव इवान असं ठेवलं आहे. "इवानची पहिली बीच ट्रिप", असं कॅप्शन नेहाने या व्हिडीओला दिलं आहे. 

दरम्यान, 'मन उधाण वाऱ्याचे'नंतर नेहा अजूनही चांदरात आहे मालिकेत दिसली होती. मोकळा श्वास, गडबड झाली या सिनेमांतही तिने काम केलं होतं. २०१९ मध्ये नेहाने ईशान बापटसोबत लग्न केलं. लग्नानंतर नेहा नवऱ्यासोबत ऑस्ट्रेलियात स्थायिक झाली. परदेशात स्थायिक झाली असली आणि सिनेइंडस्ट्रीपासून दूर असली तरी ती सोशल मीडियावरुन चाहत्यांना अपडेट्स देत असते.