राधा प्रेम रंगी रंगली या मालिकेत राधा आणि प्रेम यांची होणार भेट?

र�

��धा प्रेम रंगी रंगली या मालिकेला गेल्या काही दिवसांत अनेक वळणं मिळाली असून ही मालिका प्रेक्षकांना चांगलीच आवडत आहे. राधाच्या आयुष्यात सध्या बऱ्याच घटना घडत आहेत, तिच्यासमोर बऱ्याच गोष्टींचा उलघडा होत आहे. तसेच अनेक सत्य तिच्यासमोर येत आहेत. राधा सध्या प्रेमा म्हणून इंदौर येथील एका इस्पितळात परिचारिकेचे काम करत असतानाच इस्पितळाचे मालक आनंद नाडकर्णी यांच्या विनंतीला स्वीकारत राधा त्यांच्या वडिलांची देखरेख आणि सेवा करण्यासाठी त्यांच्या घरी राहाण्यास तयार झाली होती. यामध्येच राधाला प्रेमच्या आईचे म्हणजेच माधुरीबद्दलचे खूप मोठे सत्य समोर आले आणि ते म्हणजे प्रेमची आई माधुरी ही आनंद नाडकर्णी यांच्या वडिलांची बायको होती. हे सगळे होत असतानाच प्रेम आणि राधाची भेट होता होता होता राहून गेली. परंतु राधा समोर प्रेम आणि दीपिकाच्या नात्याचे सत्य समोर आले. राधाला हे कळाले आहे की, आता प्रेमने तिला विसरून दीपिकाचा स्वीकार केला आहे. परंतु आनंद नाडकर्णी यांना प्रेमा म्हणजेच राधाचा नवरा प्रेम कोण आहे हे कळाले आहे. यामुळे राधाला आश्चर्य वाटले आहे. दुसरीकडे राधा माधुरीबद्दल सत्य कळल्याने तिने आनंद नाडकर्णी यांना त्यांच्या घरामध्ये ती आता राहू शकत नाही असे सांगितले आहे. आता राधा ते घर सोडणार की तिथेच राहणार? आनंद नाडकर्णी यांना राधाचे संपूर्ण सत्य कळणार का? राधा आणि प्रेम यांची भेट कशी, कधी आणि कुठे होणार? ही उत्तरे प्रेक्षकांना राधा प्रेम रंगी रंगली या  मालिककेच्या आगामी भागांमध्ये मिळणार आहेत.
प्रेम देवयानी आणि दीपिकाच्या जाळ्यात पूर्णपणे अडकून गेला आहे. त्याला सत्य काय आहे हे देखील जाणून घ्यायचे नाहीये. त्याने दीपिकाला आता स्वत:च्या घरामध्ये राहाण्यासाठी आणले आहे. माधुरीला ही गोष्ट पटलेली नाही. घरामध्ये येताच ज्याप्रकारे ती माधुरीशी बोलली ते देखील माधुरीला खटकले होते. दीपिकाच्या बोलण्याने माधुरी बरीच दुखावली गेली. दीपिकाने तिला राधाचे निधन झाले असून आता तू देखील लवकरच तिच्याकडे जाणार आणि तुझा नवराच तुला मारणार असे बोलल्यावर माधुरीने दीपिका एक थोबाडीत मारली. हे सगळे ऐकून घेणे तिच्यासाठी असह्य झाले. आता प्रेम यावर काय बोलणार? तो माधुरीला काय सांगणार? हे लवकरच प्रेक्षकांना कळणार आहे.

Also Read : “राधा प्रेम रंगी रंगली” मालिकेचे १०० भाग पूर्ण,सेलिब्रेशनवेळी कलाकारांनी अशी केली धमाल