गोरेगाव फिल्मसिटीत पुन्हा बिबट्याचं दर्शन, मराठी मालिकेच्या सेटवर धावाधाव; Video व्हायरल

गेल्या काही दिवसातली ही तिसरी किंवा चौथी घटना आहे.

मुंबईच्या गोरेगाव फिल्मसिटीत पुन्हा बिबट्याने दर्शन दिलं आहे. यामुळे सेटवरील सर्वांची घाबरगुंडी उडाली. यावेळी मराठी मालिका 'सुख म्हणजे काय असतं' च्या सेटवर बिबट्याने एंट्री घेतली. त्याचा व्हिडिओही सोशल मीडियावर व्हायरल झाला. तर काहीच दिवसांपूर्वी बालकलाकार मायरा वायकुळची हिंदी मालिका 'नीरजा' च्या सेटवर बिबट्या आल्याने खळबळ माजली होती.

गोरेगावच्या फिल्मसिटीत अनेक मालिका आणि सिनेमांचं शूटिंग सुरु असतं. प्रत्येक सेटवर मोठ्या प्रमाणात गर्दी असते. तर जवळच संजय गांधी नॅशनल पार्क असल्याने काही वर्षांपासून इथे बिबट्यांचा वावर वाढला आहे. त्यामुळे क्रू मेंबर्समध्ये भीतीचं वातावरण आहे. कालच सायंकाळी चारच्या सुमारास मराठी मालिका 'सुख म्हणजे काय असतं' च्या सेटवर बिबट्या घुसला. तेव्हा सेटवर २०० पेक्षा जास्त लोक उपस्थित होते. गेल्या काही दिवसातली ही तिसरी किंवा चौथी घटना आहे. बिबट्याचा शिरल्याचा व्हिडिओ एएनआयने ट्वीट केला आहे.

#WATCH | A leopard, along with its cub, entered the sets of a Marathi TV serial in Goregaon Film City, Mumbai yesterday.

All Indian Cine Workers Association president Suresh Shyamlal Gupta says, "More than 200 people were present at the set, someone could have lost life. This… pic.twitter.com/m1YgSXARl6

— ANI (@ANI) July 27, 2023

ऑल इंडिया सिने वर्कर्स असोसिएशनचे अध्यक्ष सुरेश गुप्ता म्हणाले, 'गेल्या १० दिवसात तिसऱ्यांदा की चौथ्यांदा ही घटना घडली आहे. २०० पेक्षा जास्त लोक सेटवर होते. यातल्या कोणाचाही जीव गेला असता. सरकारने याची गांभीर्याने दखल घ्यायला हवी.'