जालन्याचा छोट्या डॉनने पळवलं राकेश बापटच्या तोंडचं पाणी, 'बिग बॉस मराठी'मध्ये मोठा ड्रामा

जालन्याचा 'छोटा डॉन' प्रभु शेळकेनं एका टास्कमध्ये राकेश बापटच्या तोंडचं पाणीच पळवल्याचं पाहायाला मिळालं. 

Bigg Boss Marathi 6 : 'बिग बॉस मराठी'च्या घरात सध्या चुरस वाढली आहे. प्रत्येक स्पर्धक स्वतःला सिद्ध करण्यासाठी जिवाचं रान करत आहे. अशातच, घरातील सर्वात चर्चेत असलेला जालन्याचा 'छोटा डॉन' प्रभु शेळकेनं एका टास्कमध्ये राकेश बापटच्या तोंडचं पाणीच पळवल्याचं पाहायाला मिळालं. 

बिग बॉसने दिलेल्या कॅप्टनसी टास्कमध्ये छोटा डॉन आणि राकेश आमने-सामने होते. सुरुवातीला राकेश वरचढ ठरेल असं वाटत होतं, पण छोट्या डॉनने आपल्या चपळाईने टास्कमध्ये अशी काही बाजी मारली की राकेश पूर्णपणे गोंधळून गेला. छोट्या डॉनच्या या खेळीमुळे घरात एकच हशा पिकला. या घटनेचा प्रोमो सोशल मीडियावर व्हायरल होताच नेटकऱ्यांनी छोट्या डॉनचं कौतुक केलं आहे. "बारक्याला हलक्यात नाही घ्यायचा माय" अशा कमेंट्स चाहत्यांनी केल्या आहेत. 

कधी पाहता येईल?
 प्रेक्षकांना 'बिग बॉस मराठी' दररोज रात्री ८ वाजता कलर्स मराठी वाहिनीवर पाहता येईल. तसेच जिओ सिनेमावर हा शो कधीही उपलब्ध आहे. दरम्यान,  या आठवड्यात घराबाहेर जाण्याच्या प्रक्रियेत दिपाली सय्यद, अनुश्री माने, करण सोनावणे, रुचिता जामदार, प्रभू शेळके, रोशन भजनकर, दिव्या शिंदे आणि राधा पाटील हे सदस्य नॉमिनेट झाले आहेत.