मराठी अभिनेत्रीचं समुद्रकिनारी मॅटर्निटी फोटोशूट, बिकिनीत फ्लॉन्ट केला बेबी बंप

'मन उधाण वाऱ्याचे' या मालिकेतून प्रसिद्धीझोतात आलेली अभिनेत्री नेहा गद्रे गरोदर आहे. काही दिवसांपूर्वीच नेहाने ही गुडन्यूज चाहत्यांबरोबर शेअर केली होती.

बीचवरील व्हिडिओ शेअर करत नेहाने आई होणार असल्याचं सांगितलं होतं. आता नेहाने मॅटर्निटी फोटोशूट केलं आहे.

नेहाने तिच्या इन्स्टाग्रामवरुन मॅटर्निटी फोटोशूटचे फोटो शेअर केले आहेत. नेहाने बिकिनीमध्ये बेबी बंप फ्लॉन्ट केला आहे.

समुद्रकिनारी तिने हे मॅटर्निटी फोटोशूट केलं आहे. फोटोंमध्ये तिच्या चेहऱ्यावरचा ग्लोदेखील स्पष्ट दिसत आहे.

नेहा सध्या परदेशात आहे. २०१९ मध्ये नेहाने ईशान बापटसोबत लग्न केलं. त्यानंतर नवऱ्यासोबत ती ऑस्ट्रेलियाला स्थायिक झाली.

लग्नानंतर परदेशात गेल्याने नेहा अभिनय क्षेत्रापासून दुरावली आहे. तिथे राहून तिने डिप्लोमा इन अर्ली चाईल्डहुड एज्युकेशन अँड केअर ही पदवी मिळवली

'मन उधाण वाऱ्याचे'नंतर नेहा 'अजूनही चांदरात आहे' मालिकेत दिसली होती. 'मोकळा श्वास', 'गडबड झाली' या सिनेमांतही तिने काम केलं होतं.

आता लग्नानंतर ५ वर्षांनी ती तिच्या पहिल्या बाळाला जन्म देणार आहे.