'तुझ्यात जीव रंगला'मधील लाडू आठवतोय का? आता दिसतो खूपच वेगळा, राणादा-अंजलीसोबतचा फोटो आला समोर

Rajveersinhraje : राजवीरसिंह आता खूप मोठा झाला असून त्याला आता ओळखणं कठीण झालं आहे.

तुझ्यात जीव रंगला या मालिकेत राणादा आणि अंजलीशिवाय आणखी एक पात्र चांगलंच लोकप्रिय झालं होतं. ते म्हणजे लाडूचं.

लाडूची भूमिका बालकलाकार राजवीरसिंह रणजीत गायकवाडने साकारले होते. या मालिकेतून त्याला चांगलीच लोकप्रियता मिळाली होती.

तुझ्यात जीव रंगला मालिकेनं प्रेक्षकांचा निरोप घेऊन बराच काळ लोटला आहे. तरीदेखील लाडूची भूमिका साकारणारा राजवीरसिंह आजही रसिकांच्या मनात घर करून कायम आहे.

राजवीरसिंह आता खूप मोठा झाला असून त्याला आता ओळखणं कठीण झालं आहे.

नुकताच राजवीरसिंहने सोशल मीडियावर अंजली म्हणजेच अक्षया देवधर आणि राणादा म्हणजेच हार्दिक जोशीसोबतचा फोटो शेअर केला आहे.

या फोटोत राजवीरसिंह खूपच वेगळा दिसतो आहे. त्याने हा फोटो शेअर करत लिहिले की, बऱ्याच कालावधीनंतर माऊ आणि राणादासोबत.

यापूर्वी राजवीरसिंहने अक्षया आणि हार्दीकच्या लग्नाला हजेरी लावली होती. त्याचा फोटो त्याने सोशल मीडियावर शेअर करत त्यांना शुभेच्छा दिल्या होत्या.

या मालिकेनंतर राजवीरसिंहने 'भारत माझा देश आहे' आणि 'येक नंबर' सिनेमात काम केले.