इतकी कशी ग्लो करते अंकिता लोखंडेची स्कीन? अभिनेत्रीने सांगितलं हनुमान चालीसा सिक्रेट, म्हणाली- "चांदीच्या ग्लासात..."

चांदीच्या ग्लासात पाणी पिते, हनुमान चालीसा वाचते आणि...; अंकिता लोखंडेने सांगितलं सौंदर्याचं सीक्रेट

अंकिता लोखंडे अभिनयासोबतच तिच्या सौंदर्यामुळेही चर्चेत असते. चाळीशी गाठलेली अंकिता अजूनही तितकीच सुंदर दिसते.

अंकिताची स्किन खूपच ग्लो करते. पण, अभिनेत्रीच्या सौंदर्याचं सिक्रेट तुम्हाला माहीत आहे का? अभिनेत्रीने स्वत:च याचा खुलासा केला आहे.

अंकिता रोज सकाळी उठून एक खास पाणी पिते. यामध्ये रात्री मेथीचे दाणे आणि दालचिनी भिजत ठेवलेले असतात. आणि जीरा, बडीशेप आणि ओवा यांची पावडरही ती सकाळी खाते.

याशिवाय अंकिता सकाळी केशरचं पाणीही पिते. त्यासोबत ती विटामीन सी ही टॅब्लेटही घेते.

त्यासोबतच बीट, नारळाचे पाणी आणि वेगवेगळ्या बीया असलेलं ज्यूस सकाळी उठल्यावर अंकिता पिते. त्यामुळे तिच्या स्किन आणि आरोग्यालाही त्याचा फायदा मिळालेला आहे.

एक विशिष्ट प्रयोगही अंकिता करते. याबद्दल तिने सांगितलं आहे. ती म्हणाली, "माझ्याकडे एक चांदीचा ग्लास आहे. त्यात केशरचं पाणी मी बनवून ठेवते".

"सकाळी बाल्कनीमध्ये जाऊन मी फक्त पॉझिटीव्ह गोष्टी बोलते आणि ते पाणी पिते. यामुळे एनर्जी मिळते".

"त्यानंतर मी अंघोळ करते आणि देवाची पूजा करते. मी रोज राम रक्षा आणि हनुमान चालीसा वाचते".

"देवघरात मी पाणी ठेवलं आहे. ते पाणी मी बॉटलमध्ये घेते आणि दिवसभर पिते. त्यामुळे मला एनर्जी मिळते", असंही तिने सांगितलं.