MMSनं करिअर उद्ध्वस्त, आता ग्लॅमर जग सोडून कृष्णभक्त बनली अभिनेत्री

By ऑनलाइन लोकमत | Updated: July 9, 2025 14:50 IST2025-07-09T14:11:12+5:302025-07-09T14:50:43+5:30

अभिनेत्रीनं इंडस्ट्री सोडून स्वीकारला भक्तीचा मार्ग

अनेक कलाकार हे अभिनय क्षेत्र सोडून थेट भक्तीच्या मार्गावर चालू लागले. भक्तिमार्गाचा प्रसार करू लागले.

अशीच एक अभिनेत्री आहे जिने फिल्म इंडस्ट्रीला रामराम केला आणि आता ती कृष्णभक्त झाली आहे.

अभिनेत्री प्रियांका पंडित हिनं एकेकाळी इंडस्ट्रीत मोठं नाव कमावलं होतं. मात्र एका बनावट एमएमएस प्रकरणामुळे तिचं संपूर्ण आयुष्य बदलून गेलं.

प्रियांकाने भोजपुरी सिनेसृष्टीत पदार्पण करताच अल्पावधीतच प्रसिद्धी मिळवली. खेसारी लाल यादव, पवन सिंह आणि रितेश पांडे यांसारख्या मोठ्या स्टार्ससोबत तिने यशस्वी चित्रपटांमध्ये काम केलं.

पण, तिचा एक फेक एमएमएस व्हायरल झाला आणि करिअरला मोठा फटका बसला. नातेसंबंध तुटले, प्रोजेक्ट्स बंद झाले आणि एकाकीपणाची वेळ आली.

प्रियांकाने एका मुलाखतीत याचा खुलासा केला. तिने सांगितले की, तिची प्रतिमा खराब करण्याचे प्रयत्न केले गेले. याचा तिच्या करिअरवर वाईट परिणाम झाला आहे.

या कठीण प्रसंगानंतर प्रियांकाने स्वतःला कृष्णभक्तीत अर्पण केलं. तिने चित्रपटसृष्टीचा निरोप घेत वृंदावनमध्ये स्थायिक होण्याचा निर्णय घेतला. आता ती प्रेमानंद महाराजांची अनुयायी बनून आध्यात्मिक मार्गावर आहे.