Photos: लेकीला पहिली पाळी आली; साऊथ अभिनेत्रीने केला मोठा सोहळा, सोशल मीडियावर होतंय कौतुक

प्रसिद्ध अभिनेत्री लक्ष्मी मंचूने देखील लेक विद्या निर्वाणा मंचू हिच्या पहिल्या पाळीचा सोहळा मोठ्या दिमाखात साजरा केला.

साऊथचे कलाकार त्यांची परंपरा, संस्कृती यांचं नेहमीच आदराने पालन करत ते जपण्याचा प्रयत्न करताना दिसतात.

मुलगी मोठी झाली म्हणजेच तिला पहिली पाळी आल्यानंतर त्याचा सोहळा करण्याची साऊथमध्ये परंपरा आहे.

प्रसिद्ध अभिनेत्री लक्ष्मी मंचूने देखील लेक विद्या निर्वाणा मंचू हिच्या पहिल्या पाळीचा सोहळा मोठ्या दिमाखात साजरा केला.

या सोहळ्याला 'हाफ सारी' असं म्हटलं जातं. ११-१४ वर्षांच्या वयोगटातील रजस्वला होणाऱ्या म्हणजेच बालपणातून तारुण्याच्या प्रवासाला सुरुवात करणाऱ्या मुलींसाठी हा सोहळा केला जातो.

या सोहळ्याला आशीर्वाद सोहळा असंही म्हटलं जातं. याला तेलगूमध्ये 'रितु कला संस्कार' किंवा 'पेद्दामनिषी पांडगा' असेही म्हणतात.

लक्ष्मी मंचू हिनेदेखील लेक विद्यासाठी हाफ सारी सोहळ्याचं आयोजन केलं होतं. याचे फोटो तिने शेअर केले आहेत.

यावेळी लेकीची पालखीतून मोठ्या थाटामाटात एन्ट्री करण्यात आली. विद्याला छान नटवलंही होतं.

या सोहळ्यासाठी केळीच्या पानांनी आणि फुलांनी खास आकर्षक अशी सजावटही करण्यात आली होती.

पारंपरिक पद्धतीने शास्त्र शुद्ध पद्धतीने पूजा विधी करत विद्या निर्वाणाचा 'हाफ सारी' सोहळा पार पडला.

या सोहळ्याला कुटुंबीय आणि मित्रपरिवाराने हजेरी लावली होती.