लाल साडी, केसात गजरा; समांथा रुथ प्रभूचा लग्नातील स्वप्नवत लूक, नवीन फोटो आले समोर

समांथाच्या लग्नातील काही खास फोटो आज समोर आले आहेत. ज्यामध्ये वधूच्या रुपात समांथा प्रचंड सुंदर दिसतेय.

लोकप्रिय अभिनेत्री समांथा रुथ प्रभू हिने १ डिसेंबर २०२५ रोजी राज निदिमोरूसोबत संसार थाटला आहे. अभिनेता नागा चैत्यनपासून घटस्फोट घेतल्यानंतर चार वर्षांनी समांथाने दुसरं लग्न केलं आहे.

समांथा व राज निदिमोरूचं लग्न ईशा योग केंद्रातील लिंग भैरवी मंदिरात पार पडलं. हा समारंभ अत्यंत साधेपणाने पार पडला आणि लग्नात फक्त ३० पाहुणे उपस्थित होते.

समांथाच्या लग्नातील काही खास फोटो आज समोर आले आहेत. ज्यामध्ये वधूच्या रुपात समांथा प्रचंड सुंदर दिसतेय.

समांथा रुथ प्रभूने तिच्या लग्नासाठी लाल रंगाची साडी परिधान केली होती. समांथाने निवडलेली ही साडी तिच्या सौंदर्याला चार चाँद लावणारी ठरली.

साध्या पण आकर्षक मेकअप आणि जुळणाऱ्या दागिन्यांमध्ये समांथा अगदी एखाद्या अप्सरेसारखी दिसली.

या फोटोंमधून समांथाच्या चेहऱ्यावरील लग्नाचा आनंद स्पष्टपणे दिसत आहे. तिचा हा पारंपरिक लूक सध्या फॅशन स्टेटमेंट बनला आहे.

समांथाचा ब्रायडल लूक जितका चर्चेत आहे, त्याहून अधिक लक्ष वेधून घेतले आहे, तिच्या वेडिंग रिंगने. समांथाच्या या अंगठीची किंमत सुमारे १.५ कोटी रुपये इतकी असल्याची शक्यता वर्तवण्यात येत आहे.

लाल साडीसोबत तिने तिच्या केसांमध्ये गजरा माळला होता, ज्यामुळे तिच्या पारंपरिक लूकला एक खास टच मिळाला आहे.

समांथानं हातावर आणि पायावर काढलेली सुंदर मेंदी तिच्या वधूच्या सौंदर्यात आणखी भर घालत होती.

समांथा आणि राज या दोघांमध्ये १२ वर्षांचं अंतर आहे. राजचा जन्म ४ ऑगस्ट १९७५ रोजी तिरुपति आंध्र प्रदेशमध्ये झाला. तो ५० वर्षांचा आहे. तर समंथा ३८ वर्षांची आहे.

समांथा आणि राज यांच्या लग्न समारंभाचे eshantrajuphotography या इंस्टाग्राम पेजवरून घेतले आहेत.