सई ताम्हणकरला 'या' अभिनेत्याशी करायचं होतं लग्न, म्हणाली- "मी आईलाही सांगितलं होतं..."

सई ताम्हणकरला प्रसिद्ध अभिनेत्यासोबत लग्न करायची इच्छा होती. तिने तिच्या आईलाही सांगितलं होतं. कोण आहे हा अभिनेता?

सई ताम्हणकर ही मराठी मनोरंजन विश्वातील लोकप्रिय अभिनेत्री. सई ताम्हणकरला आपण गेल्या काही वर्षांमध्ये मराठीसोबत हिंदी सिनेमे आणि वेबसीरिजमध्येही अभिनय करताना पाहिलंय

सई ताम्हणकरने आजवर अनेक अभिनेत्यांसोबत काम केलंय. सई ताम्हणकरची जोडी कधी स्वप्नील जोशी तर कधी अंकुश चौधरीसोबत गाजली. सईला एका सुप्रसिद्ध अभिनेत्याशी लग्न करायचं होतं.

सई ताम्हणकरने डिजिटल कमेंट्रीला दिलेल्या मुलाखतीत याविषयी खुलासा केला. सई म्हणाली ती आमिर खानची जबरा फॅन आहे. त्यामुळे तिला आमिर खानशी लग्न करायचं होतं.

इतकंच नव्हे आमिर खान आणि माधुरी दीक्षितचा दिल हा सिनेमा रिलीज झाला होता. या सिनेमाच्या कॅसेट्स सईने तिच्या वॉर्डरोबमध्ये अर्थात जिथे कपड्यांच्या कपाटात ठेवल्या होत्या.

आई मी ह्याच्याशीच लग्न करणार, असं सईने आईलाही सांगितलं होतं. अशाप्रकारे सईने आमिर खानशी लग्न करायची इच्छा व्यक्त केली.

आपण ज्या गोष्टी मनात ठरवतो त्या गोष्टी नकळतपणे घडून जातात. तशीच गोष्ट सईच्या बाबतीत झाली. सईला आमिर खानच्या गाजलेल्या गजनी सिनेमात काम करायची संधी मिळाली

इतकंच नव्हे, सई ताम्हणकरने आमिर खानसोबत पाणी फाऊंडेशनसाठी काम केलं आहे. अशाप्रकारे सईने आमिर खानविषयी आदर आणि प्रेम दर्शवलं आहे.