वयाच्या ३९ व्या वर्षीही इतकी फिट कशी दिसते प्रिया बापट? रोज करते 'ही' गोष्ट

प्रिया बापट वयाच्या ३९ व्या वर्षीही दिसते सुंदर, सौंदर्य अन् फिटनेसचं रहस्य सांगत म्हणाली...

अभिनेत्री प्रिया बापट सध्या तिच्या 'असंभव' या नवीन सिनेमाच्या प्रमोशनमध्ये व्यस्त आहे. हा थरारक सिनेमा २१ नोव्हेंबर रोजी संपूर्ण महाराष्ट्रात प्रदर्शित झाला आहे.

या सिनेमाच्या प्रमोशननिमित्त प्रियानं News18 लोकमतशी संवाद साधला. यावेळी तिनं आपलं फिटनेस सीक्रेट सांगितलं.

विशेष म्हणजे, वयाच्या ३९ व्या वर्षीही प्रिया तितकीच फिट आणि एनर्जेटिक दिसते. तिचे वर्कआउटचे व्हिडीओ अनेकदा व्हायरल होतात.

प्रिया बापटचं फिटनेस सीक्रेट काय आहे? या प्रश्नावर उत्तर देताना ती म्हणाली, "मी फूडी नाहीये, पण मला गोड खूप आवडतं".

आजच्या पिढीला आवडणारे पिझ्झा, बर्गर, वडापाव हे प्रियाच्या डिशमधून गायबच असतात.

प्रियानं सांगितलं की, तिला सारखं बाहेरचं खाऊन जगता येत नाही. ती सॅलेड, सूप आणि अंडी खाऊनही दिवस काढू शकते.

प्रिया म्हणाली, "मला वरण, भात, उसळ, कोशिंबीर, भाकरी हे जेवणात असेल, तर मी सगळ्यात सुखी असते!".

प्रिया बापटसाठी फिटनेस म्हणजे केवळ डाएट नाही, तर ती एक जीवनशैली आहे. ती म्हणाली, "या सगळ्यासाठी मला कोणीही जबरदस्ती करत नाही किंवा काहीतरी एक लाइफ स्टाइल फॉलो करायची म्हणून मी हे करत नाही".

प्रिया नियमितपणे व्यायाम करते, पाणी भरपूर पिते आणि फळं मोठ्या प्रमाणात खाते. 'क्लिन इटिंग'ला पर्याय नाही, असे तिनं सांगितलं.

प्रिया तिच्या जेवणाच्या वेळेबाबत खूप जागरूक आहे. ती रात्री वेळेत, साडेसात वाजेपर्यंत जेवण करते आणि त्यानंतर ती काहीही खाणे टाळते. ती दररोज हा नियम पाळते.