Navratri 2025: नव्या साड्यांची गरज काय? अभिनेत्रीने नवरात्रीच्या नवरंगांसाठी वापरली भन्नाट आयडिया

नवरात्रोत्सवामुळे वातावरण मंगलमय झालं आहे. नवरात्रीत नऊ दिवस नऊ रंगाचे कपडे घालण्याचा ट्रेंड असतो.

अगदी सेलिब्रिटीही हा ट्रेंड फॉलो करताना दिसतात. अनेक अभिनेत्री यानिमित्ताने नऊ रंगाच्या कपड्यांमध्ये खास फोटोशूटही करतात.

एका मराठी अभिनेत्रीने मात्र यावर भन्नाट उपाय शोधून काढला आहे.

अभिनेत्री किशोरी गोडबोले हिने नऊ रंगाच्या साड्यांमधील तिचे फोटो शेअर केले आहेत.

पण, यासाठी अभिनेत्रीने कोणतीही नवी साडी विकत घेतलेली नाही. किंवा कोणतं फोटोशूटही केलेलं नाही.

अभिनेत्रीने तिच्याकडे असलेल्या काही रंगाच्या साडीत फोटो काढले आहेत. तर काही फोटो AI चा वापर करून जनरेट केले आहेत.

पण किशोरीचे खरे फोटो आणि AI ने तयार केलेले फोटो यात फरक सांगणं खूपच कठीण आहे.

अभिनेत्रीच्या खऱ्याखुऱ्या फोटोंप्रमाणेच AI ने जनरेट केलेल्या फोटोंमध्येही तिचं अस्सल सौंदर्य दिसत आहे.

किशोरीने शेअर केलेले हे फोटो पाहून चाहतेही अवाक झाले आहेत.