सोनेरी पहाट, उंच गुढीचा थाट ! महाराष्ट्राची 'अप्सरा' सोनाली कुलकर्णीनं दिल्या गुढीपाडव्याच्या शुभेच्छा

सेलिब्रिटींनी सोशल मीडियावर पोस्ट शेअर करत सगळ्यांना नवीन वर्षाच्या शुभेच्छा दिल्या.

मराठी चित्रपटसृष्टीमधील आघाडीच्या अभिनेत्रींमध्ये अभिनेत्री सोनाली कुलकर्णीचं नाव आवर्जून घेतलं जातं. सोनाली कुलकर्णी प्रत्येक सण मोठ्या उत्साहात साजरा करते.

आज मराठी नववर्षाचा पहिला दिवस म्हणजे गुढीपाडवा. आज घरोघरी गुढ्या उभारत नवीन वर्षं थाटात साजरं केलं जातं.

फक्त सामान्य जनताच नाही तर मराठी सेलिब्रिटींनी सुद्धा सोशल मीडियावर पोस्ट शेअर करत सगळ्यांना नवीन वर्षाच्या शुभेच्छा दिल्या.

महाराष्ट्राची 'अप्सरा' सोनाली कुलकर्णीने तिचा फोटो शेअर करत गुढीपाडव्याच्या शुभेच्छा दिल्या आहेत.

सोनालीनं 'सोनेरी पहाट, उंच गुढीचा थाट ! आनंदाची उधळण अन् सुखांची बरसात ! नव्या वर्षाची सोनेरी सुरुवात' असं म्हणत चाहत्यांना शुभेच्छा दिल्या.

सोनाली कुलकर्णीने विधिवत गुढीची पुजा केल्याचं फोटोमध्ये दिसून येत आहे. तिनं गुढीबरोबरचे अनेक फोटो शेअर केले आहेत.

सोनालीने अगदी मराठमोळ्या पारंपरिक अंदाजात गुढीपाडवा साजरा केला.

याचे काही फोटो तिनं इन्स्टाग्रामवर फोटो पोस्ट केले आहेत. अनेकांनी तिच्या या फोटोंवर कमेंट करत तिला गुढीपाडव्याच्या शुभेच्छा दिल्या.

सोनाली कुलकर्णीने पिवळ्या रंगाची साडी नेसत, नाकात नथ घालून मराठमोळा साज केला.

मराठमोळ्या लूकमध्ये सोनाली खूपच सुंदर दिसत आहे.