ही दोस्ती तुटायची नाय

बॉलिवुडमध्ये खूपच कमी अभिनेत्री या एकमेकांच्या चांगल्या मैत्रिणी आहेत. पण मराठीत अनेक अभिनेत्री या एकमेकांच्या खूप चांगल्या फ्रेंडस आहेत. त्या नेहमीच वेळात वेळ काढून फिरायला जातात. एवढेच नव्हे तर सोशल नेटवर्किंगच्या माध्यमातून एकमेकांच्या चित्रपटांचे प्रमोशनही करतात.नेहा पेंडसे, श्रुती मराठे, अमृता खानविलकर, सोनाली खरेनेहा, श्रुती, अमृता, सोनाली या चौघी आज मराठीतील आघाडीच्या अभिनेत्री मानल्या जातात. या चौघींचा एक खूप छान ग्रुप आहे. एकमेकींच्या स्पर्धक असूनही त्यांची खूपच चांगली मैत्री आहे. याविषयी नेहा सांगते, मॅच्युरिटीने गोष्टी हाताळल्या गेल्या तर अभिनेत्रीही खूप चांगल्या मैत्रिणी होऊ शकतात. आम्ही चौघीही नेहमीच आपापल्या कामात व्यग्र असतो. तरीही या सगळ्यातून आम्ही एकमेकींसाठी वेळ काढतो. मी सध्या फिल्मसिटीला माझ्या मालिकेचे चित्रीकरण करत आहे. तिथे चित्रीकरणाच्या ठिकाणी मला अनेकवेळा श्रुती भेटायला येते. श्रुती गोरेगावांत राहात असल्याने माझे चित्रीकरण लवकर संपले तर आम्ही गोरेगावमध्ये भेटतो. तर अमृता अंधेरीलाच राहात असल्याने ती माझ्या अनेकवेळा घरी येते. मी, श्रुती, सोनाली, अमृता अनेकवेळा एकत्र बाहेर फिरायला जातो. खूप साऱ्या गप्पागोष्टी करतो. पण आम्ही भेटल्यानंतर आमचे प्रोफेशनल विषय कधीच काढत नाहीत. मैत्री आणि व्यवसायिक नाते हे दोन्ही बाजूला ठेवतो. या सगळ्यामुळेच आमची मैत्री टिकली आहे आणि ती दिवसेंदिवस अधिक घट्ट होत आहे. उर्मिला कानेटकर-कोठारे, सई ताम्हणकर, क्रांती रेडकर, अमृता खानविलकर, गिरीजा ओकउर्मिलाच्या इंडस्ट्रीमध्ये सई, अमृता आणि क्रांती, गिरीजा या खूप चांगल्या मैत्रिणी आहेत. ती सांगते, आम्ही सगळ्या कामात व्यग्र असल्याने आम्हाला अनेकवेळा भेटण्याची संधी मिळत नाही. पण जेव्हाही आम्ही भेटतो तेव्हा खूप धमालमस्ती करतो. आम्हाला पाहिल्यावर आम्ही इतक्या दिवसांनी एकमेकींना भेटलो आहे असे कोणालाही वाटत नाही. आम्ही चौघीही अभिनेत्री असलो तरी एकमेकांच्या स्पर्धक नाही आहोत. ही आमच्या मैत्रीतील खूप चांगली गोष्ट आहे. आम्ही नेहमीच एकमेकांच्या कामाचे कौतुक करत असतो. एखाद्याचे काम आवडले तर लगेचच फोन करून सांगतो. तसेच नेहमीच एकमेकांच्या संपर्कात असतो. प्रत्येकाच्या आयुष्यात काय सुरू आहे हे आम्हाला नक्कीच माहीत असते. वीणा जामकर-मृण्मयी देशपांडे, स्पृहा जोशी, मानसी नाईक, नंदिता धुरीकाम करत असताना अनेकवेळा कधी मैत्री जुळते हेच कळत नाही असे वीणा सांगते. मित्र या चित्रपटात काम करत असताना वीणाची स्पृहा आणि मृण्मयीसोबत खूप चांगली मैत्री जुळली. त्या एकमेकींच्या कामाचे केवळ कौतुकच करत नाही तर अनेकवेळा एकमेकींना काही गोष्टीही सुचवतात. मानसी आणि वीणाच्या अभिनयाची स्टाईल पूर्णपणेच वेगळी आहे. पण त्या खूप चांगल्या मैत्रिणी आहेत. भेटायला वेळ नाही मिळाला तरी वीणा नेहमीच फोनवरून मानसी, मृण्मयी, स्पृहाच्या संपर्कात असते. त्यांची मैत्री इतकी घट्ट आहे की, कितीही दिवस भेटलो तरी तरी आमच्यात काही गैरसमज होऊ शकत नाही याची मला खात्री आहे असे वीणा सांगते. तसेच नंदिता धुरीही तिची खूप चांगली मैत्रीण आहे. त्या दोघी एकाच कॉलेजमध्ये होत्या. त्या पहिल्यांदाच लालबागची राणी या चित्रपटात एकत्र काम करत आहेत.सोनाली कुलकर्णी, शुभांगी गोखले, अमृता सुभाष, क्रांती रेडकर, शिल्पा तुळसकर, रेणुका शहाणेमी कॉलेजमध्ये असताना शुभांगी गोखलेचे नाटक पाहिले होते. त्यापासून मी शुभांगीची फॅन आहे त्यानंतर ती माझी खूप चांगली मैत्रीण झाली. ती माझी रोल मॉडेल असल्याचे मी मानते असे सोनाली सांगते. अमृता तिची अनेक वर्षांपासून मैत्रीण होती. आज ती तिच्या भावाची पत्नीही आहे. तसेच क्रांती रेडकर आणि शिल्पा तुळसकर, रेणुका शहाणे यांच्यासोबतही तिची अनेक वर्षांपासून मैत्री आहे. सोनाली वेळात वेळ काढून तिच्या मैत्रिणींना भेटते. पण त्याचसोबत व्हॉटसअॅमुळे तर नेहमीच मैत्रिणींच्या संपर्कात राहाता येते असे सोनाली सांगते.

रणवीर सिंगचं ४० तर सारा अर्जुनचं २०, 'धुरंधर'मधील जोडीवरुन रंगली चर्चा! ...

आज आषाढी एकादशीच्या दिवशी सर्वत्र भक्तीमय वातावरण निर्माण झालं आहे. ...

रणबीर-यशच्या 'रामायण'मध्ये मध्ये अनेक दिग्गज कलाकार; संपूर्ण यादी वाचा एका क्लिकवर! ...

शुबमन गिलशिवाय या खेळाडूंनी बजावली महत्त्वपूर्ण भूमिका ...

Mystery Girl in IND vs ENG sitting next to Jasprit Bumrah : ती तरुणी बुमराहकडे पाहून स्मितहास्य करताना दिसली... ...

सिराजची इंग्लंडच्या मैदानातील ही आतापर्यंतची सर्वोत्तम कामगिरी ठरली. ...

इंथ एक नजर टाकुयात SENA देशांत भारतीय संघाचे नेतृत्व करताना सर्वाधिक धावा करणाऱ्या फलंदाजांवर ...

Team India Playing XI Prediction, IND vs ENG 2nd Test: पहिल्या कसोटीत मोठा फटका बसल्यावर गिल-गंभीर जोडी काही मोठे निर्णय घेण्याच्या तयारीत ...

...

...

...

7 Warnings Which Indicate Your Heart Is Getting Weaker Check Details Here : Top 7 Early Warning Signs of Heart Disease You Should Never Ignore : 7 common symptoms of a weak heart that appear months before a heart attack : 7 warning signs of early hea ...

ही दोस्ती तुटायची नाय