अवघ्या ४०व्या वर्षी जग सोडून गेला 'अशी ही बनवाबनवी'चा कलाकार, लग्नाला झालेली फक्त ५ वर्ष, आहेत दोन मुलं

'अशी ही बनवाबनवी'मध्ये अशोक सराफ, लक्ष्मीकांत बेर्डे, अश्विनी भावे, प्रिया बेर्डे, सचिन पिळगावकर, सिद्धार्थ रे, निवेदिता सराफ, सुधीर जोशी अशी स्टारकास्ट होती. पण, दुर्देवाने यातील काही कलाकार आज आपल्यात नाहीत.

'अशी ही बनवाबनवी' हा मराठी सिनेसृष्टीच्या इतिहासातील सर्वात गाजलेला आणि अजरामर सिनेमा आहे. आजही हा सिनेमा तितकाच लोकप्रिय आहे.

सिनेमातील गाणी असो वा संवाद प्रेक्षकांच्या आजही तोंडावर असतात. त्यातील कलाकारांनी साकारलेली पात्रही प्रेक्षकांना भावली.

'अशी ही बनवाबनवी'मध्ये अशोक सराफ, लक्ष्मीकांत बेर्डे, अश्विनी भावे, प्रिया बेर्डे, सचिन पिळगावकर, सिद्धार्थ रे, निवेदिता सराफ, सुधीर जोशी अशी स्टारकास्ट होती.

पण, दुर्देवाने यातील काही कलाकार आज आपल्यात नाहीत. यातीलच एक म्हणजे सिद्धार्थ रे.

सिद्धार्थ रे यांनी केवळ मराठीच नव्हे तर बॉलिवूडही गाजलं. 'अशी ही बनवाबनवी'मध्ये त्यांनी शंतनू ही भूमिका साकारली होती.

'वंश', 'बाझीगर', 'पनाह', 'गंगा का वचन', 'युद्धपथ', 'दिवाने', 'खलनायक' अशा अनेक गाजलेल्या बॉलिवूड सिनेमांमध्ये त्यांनी काम केलं होतं.

सिद्धार्थ रे हे व्ही. शांताराम यांचे नातू होते. त्यामुळे बालपणीच त्यांना अभिनयाचं बाळकडू मिळालं होतं.

सिद्धार्थ रे यांनी अभिनेत्री शांतीप्रियाशी लग्न केलं होतं. पण, लग्नानंतर अवघ्या ५ वर्षांनीच त्यांचा मृत्यू झाला.

वयाच्या ४०व्या वर्षी सिद्धार्थ रे यांना हार्ट अटॅक आला. ८ मार्च २००४ रोजी त्यांचं निधन झालं. त्यांना दोन मुलं आहेत.

सिद्धार्थ यांच्या मृत्यूनंतर शांतीप्रिया त्यांच्या दोन मुलांचा सांभाळ करत आहे.