"...तर मीच गाडी चालवून हॉस्पिटलला गेलो असतो", हल्ला झाल्यानंतर रिक्षाने का गेला? विचारणाऱ्यांना सैफचं स्पष्ट शब्दांत उत्तर

हल्ला झाल्यानंतर सैफ रिक्षाने का गेला? अखेर अभिनेत्याने सांगूनच टाकलं, म्हणाला- "रात्री ड्रायव्हर घरी नव्हता, कारण..."

बॉलिवूड अभिनेता सैफ अली खानवर १६ जानेवारीला हल्लेखोराने घरात घुसून चाकूने वार केला होता. यात सैफ गंभीर जखमी झाला होता.

हल्ला झाल्यानंतर सैफ रिक्षाने लीलावती हॉस्पिटलला गेला होता. सैफ रिक्षाने का गेला? स्वत:च्या गाडीने का गेला नाही? ड्रायव्हर नव्हता का? असे अनेक प्रश्न विचारले जात होते.

आता बरे झाल्यानंतर सैफने या प्रश्नांची उत्तरे दिली आहेत. दिल्ली टाइम्सला दिलेल्या मुलाखतीत याबाबत भाष्य केलं.

"हल्ला झाल्यानंतर मी लगेचच घराच्या बाहेर पडलो आणि रिक्षाने हॉस्पिटलला गेलो. लोक सोशल मीडियावर विचारत आहेत की एवढे श्रीमंत असूनही ड्रायव्हर नव्हता का?"

"त्यांना मी सांगू इच्छितो की इथे रात्रभर कोणीच राहत नाही. त्यांना देखील स्वत:चं कुटुंब आहे. काही लोक आमच्या घरात राहतात. पण, ड्रायव्हर राहत नाहीत".

"जेव्हा आम्हाला रात्री कुठे बाहेर जायचं असतं किंवा काही महत्त्वाचं काम असेल तेव्हाच आम्ही त्यांना रात्री बोलवून घेतो किंवा थांबायला सांगतो".

"खरं तर मी स्वत:च गाडी चालवत हॉस्पिटलला गेलो असतो. पण, सुदैवाने मला किल्ली सापडली नाही".

"रात्री ३ वाजता ड्रायव्हरला फोन का केला नाही? असंही लोक विचारत होते. पण, त्याला यायला वेळ लागला असता".

"मला कळून चुकलं होतं की मला लगेचच हॉस्पिटलला जायला हवं".

हल्ला झाल्यानंतर सैफवर लीलावती हॉस्पिटलमध्ये उपचार करण्यात आले होते. आता त्याच्या प्रकृतीत सुधारणा होत आहे.