Bobby Deol : "मी बॉबी देओल आहे, प्लीज मला काम द्या"; कामाच्या शोधात दारोदारी भटकत होता अभिनेता

Bobby Deol : बॉबीने सांगितलं की, कामाच्या शोधात तो दारोदारी भटकत होता.

देओल कुटुंबाचा लाडका बॉबी देओल याने त्याच्या अभिनयाच्या कारकिर्दीत यश आणि अपयश हे दोन्ही पाहिलं आहे.

बॉबी करियरच्या वाईट काळाबद्दल अनेक वेळा बोलला आहे. आता त्याला पुन्हा एकदा ते संघर्षाचे दिवस आठवले. बॉबीने सांगितलं की, कामाच्या शोधात तो दारोदारी भटकत होता.

इंडिया टुडेशी बोलताना बॉबी देओल म्हणाला, "जेव्हा मी वाईट काळातून जात होतो तेव्हा मी लोकांचे दरवाजे ठोठावले आणि म्हणालो, मी बॉबी देओल आहे, प्लीज मला काम द्या."

"यात काहीही वाईट नाही. कमीत कमी त्यांना आठवेल की, बॉबी देओल त्यांना भेटायला आला होता."

"काम मागण्यात मला कोणतीही लाज वाटत नाही, कारण एक अभिनेता असल्याच्या नात्याने हे पाऊल उचलणं आवश्यक होतं."

बॉलिवूडमधील बदलांबद्दल बोलताना बॉबी म्हणाला की, त्याच्या कारकिर्दीच्या सुरुवातीला कामाच्या संधी अनेकदा कोणत्याही संघर्षाशिवाय उपलब्ध होत होत्या.

"इंडस्ट्रीमध्ये कलाकारांची संख्या वाढत असल्याने स्पर्धाही वाढली आहे, ज्यामुळे भूमिका मिळवणं कठीण झालं आहे."

"एक काळ होता जेव्हा लोक मला काम द्यायचे, पण आता इंडस्ट्री वेगळी आहे" असं बॉबी देओलने म्हटलं आहे.

बॉबी देओलची आश्रम ही वेब सीरिज खूप गाजली आहे. त्याच्या भूमिकेने सर्वांचच लक्ष वेधून घेतलं.